15:11 15 Dekabr 2019
Efir
  • RUB149.88
  • EUR10545.67
  • USD9537.55
Devushki musulmanki, arxivnoye foto

Olimlar arablarda koʻpxotinlilik nega kamayib borayotganini tushuntirishdi

© Sputnik / Ramil Sitdikov
Jamiyat
Havola olish
240203

Arab ayollari orasida koʻpxotinlilikning adolatsizligi, bunday holatlarda koʻpincha ayollar va bolalar huquqi poymol etiladi, degan fikr tobora keng qoʻllab-quvvatlanmoqda.

TOSHKENT, 2 noya - Sputnik. Magʻribdagi arab davlatlari(Liviya, Marokko, Tunis, Jazoir va Mavritaniya)da koʻpxotinlilik tobora urfdan qolmoqda, dedi Muhammad VI nomli Marokkodagi sotsiologiya universiteti professori Muxtor al-Xarras arab dunyosida oila holati mavzusiga bagʻishlangan forumda. RIA Novosti xabari asosida.

"Liviyada murakkab vaziyat va iqtisodiy sabablarga koʻra, koʻpxotinlilik singari holatlar soni kamaydi. Tunisda 1975 yilda koʻpxotinlilikni taʼqiqlovchi qonun qabul qilingan. Marokkoda 2004 yilda bir vaqtning oʻzida bir nechta nikohdan oʻtishga toʻsiq qoʻyadigan qonun qabul qilingan. Xususan, bunday ishga qoʻl urmoqchi boʻlgan erkak bir nechta shartlarni bajarmogʻi lozim, xususan, birinchi xotinning ruxsatini olish shartlardan biri sanaladi. Jazoirda koʻp xotinga ega erkaklar soni juda kam, va umuman olganda, koʻpxotinlilik gʻoyasi jamiyatda koʻpam qoʻllab-quvvatlanmaydi. Mavritaniyada koʻpxotinlilik jamiyatning muayyan qatlamlari orasidagina keng tarqalgan", - deya tushuntiradi professor.

Al-Xarrasning aytishicha, koʻpgina arab davlatlarida koʻpxotinlilik oʻz aktualligini yoʻqotayotgani sababi - erkaklarning shu kecha-yu kunduzda barcha xotinlari va bolalarini teng darajada taʼminlay olmasligi bilan izohlanmoqda. Bundan tashqari, professorning qayd etishicha, arab ayollari orasida koʻpxotinlilikning adolatsizligi, bunday holatlarda koʻpincha ayollar va bolalar huquqi poymol etilishi haqidagi fikr tobora keng qoʻllab-quvvatlanmoqda.

Shu bilan birga, Magʻribdagi arab davlatlarida erkaklar hali ham oʻz ayollarining ishlashlarini hazm qila olishmaydi, ijtimoiy tadqiqotlarga koʻra, ushbu davlatlarda oilalarning uchdan bir qismida ayolning ishlashi er bilan kelishmovchiliklarga sabab boʻladi. Mintaqaning eng feministik mamlakati hisoblanmish Tunisda aynan shu turdagi kelishmovchiliklar koʻproq uchrashi taʼkidlanmoqda. Maʼlum boʻlishicha, tunislik erkaklarning 42%i oʻz ayolining mehnat faoliyatidan norozi.

Shu bilan birga, Magʻrib davlatlarida er-xotin oʻrtasidagi yosh tafovuti 4-6 yoshni tashkil etadi.

Asosiy mavzular