05:06 12 Avgust 2020
Efir
  • RUB138.65
  • EUR12059.09
  • USD10231.71
Jamiyat
Havola olish
380 0 0

Oʻzbekistonda sodir etilgan chaqaloq savdosi jinoyati 2018 yil 10 oyida 54 ta, shu yilning 12 oyiga kelib esa 75 tani tashkil etgan.

TOSHKENT, 4 dek - Sputnik. Oʻzbekistonda sodir etilgan chaqaloq savdosi jinoyati 2018 yil 10 oyida 54 ta, shu yilning 12 oyiga kelib esa 75 tani tashkil etgan. 2019 yil 10 oyigacha bu koʻrsatkich 57 tani tashkil etgan.

Bu haqda Huquqbuzarliklar profilaktikasi bosh boshqarmasi boshligʻi — Baxtiyor Berdialiyev 5 dekabr kuni AOKAda boʻlib oʻtgan (“Xotin-qizlar va voyaga yetmaganlar oʻrtasida huquqbuzarliklar profilaktikasiga qaratilgan chora-tadbirlar haqida” mavzusidagi) matbuot anjumanidan soʻng Sputnik muxbiriga maʼlum qildi.

“Chaqaloq sotish holatlariga shaxsan oʻzim avval tergov jarayonida uchratganman, sababi bitta — u ham boʻlsa, yosh qizlarimizning bilib bilmay qoʻygan notoʻgʻri qadamlari orqali yuzaga keladi. Soʻng undan qutulish maqsadida chaqaloqlarni tugʻruqxonalarning oʻzida, eshik ostida yoki begona joyda qoldirib ketish, oxirgi chora sifatida sotish va Oʻzbekistondan chiqib ketish holatlari juda ham koʻp uchrayapti. Shuni aytish kerakki, odam savdosi jinoyati juda ogʻir jinoyat hisoblanib, bu boʻyicha Jinoyat kodeksining 135-moddasida jinoiy javobgarlik belgilangan. Ushbu jinoyatlar haqida OAVlarida batafsil yoritilib borilmoqda. Shu bois oʻylaymanki, hozirgi kunga kelib, bu tendentsiya bir oz kamaydi” - deydi Berdialiyev.

Huquqbuzarliklar profilaktikasi bosh boshqarmasi boshligʻi oʻrinbosari - Xotin qizlar masalalari boʻyicha boʻlim boshligʻi U.Abdullayevaning fikriga koʻra, aksariyat hollarda hayotda aldanib qolgan, turmushidan ajrashib, ikki va undan ortiq farzandi bilan ogʻir ijtimoiy ahvolga tushib qolgan ayollar orasida oʻz bolasini sotish holatlari koʻplab uchraydi.

Abdullayeva Xotin-qizlar qoʻmitasi bilan hamkorlikda ishlash natijasida chaqaloq sotish holatlari 2018 yilga kelib 33 foizga kamayganini taʼkidladi.

Asosiy mavzular