05:30 19 Fevral 2020
Efir
  • RUB150.07
  • EUR10319.35
  • USD9528.49
Jamiyat
Havola olish
65 0 0

Toshkent metropoliteni Yunusobod yoʻnalishining ikkinchi bosqich qurilishlari doirasida yerosti oʻtish yoʻlini barpo etish munosabati bilan tumanidagi baʼzi koʻchalar avtotransport harakati uchun yopildi.

TOSHKENT, 10 dek - Sputnik. Toshkentning Yunusobod tumanidagi baʼzi koʻchalar avtotransport harakati uchun yopildi.

Endilikda, ayrim yoʻnalishlardagi avtobuslar oʻz yoʻnalish harakatini A.Donish koʻchasidan Yangi shahar hamda A.Temur koʻchalari boʻylab davom ettiradi. Bu haqda "Toshshahartransxizmat" axborot xizmati xabar qildi.

Qayd etilishicha, Toshkent metropoliteni Yunusobod yoʻnalishining ikkinchi bosqich qurilishlari doirasida yerosti oʻtish yoʻlini barpo etish ishlari olib borilmoqda. Shu munosabat bilan taʼmirlash ishlari yakuniga qadar hududdagi A.Donish koʻchasining Yangi shahar koʻchasidan boshlab Amir Temur koʻchasigacha boʻlgan qismidagi oʻtish yoʻli avtotransportlar harakati uchun yopiladi.

Bu esa jamoat transporti - avtobuslar harakatiga ham tegishli boʻlib, yuqoridagi manzil boʻyicha harakatlanuvchi 5, 25, 36, 52, 60, 72, 82, 91, 95, 96, 97, 111, 119, 140, 149, 151, 152, 190, 198-sonli yoʻnalishlardagi avtobuslar oʻz yoʻnalish harakatini A.Donish koʻchasidan Yangi shahar hamda A.Temur koʻchalari orqali davom ettiradi.

Asosiy mavzular