TOShKENT, 11 dek - Sputnik. Ertaga, 12-dekabr kuni Sergilining ayrim ko‘chalari vaqtincha gaz ta’minotidan o‘chiriladi. Bu haqda Toshkent shahar hokimligi axborot xizmati ma’lum qildi.
Xabarda aytilishicha, Sergeli-8 va Sergeli-9 dahalarida yangi qurib bitkazilgan ko‘p qavatli xonadonlar hamda Sergeli-3A dahasida joylashgan MTTlarni gaz bilan ta’minlash maqsadida ta’mirlash ishlari olib borilmoqda.
Shu munosabat bilan tumanning 14b, G-64 hamda G-38 ko‘chalarida gaz ta’minoti soat 11:00dan 17:00ga qadar vaqtinchalik o‘chiriladi.
“Yuzaga kelgan noqulaylik uchun uzr so‘raymiz!”, - deyilgan xabarda.
