07:35 28 Sentyabr 2020
Efir
  • RUB136.28
  • EUR12210.60
  • USD10315.62
Jamiyat
Havola olish
56002

Ijtimoiy tarmoq foydalanuvchilari viloyatliklar uchun Toshkentga kelishda talon joriy etish kerak, deya taklif bildirgan partiya vakilini ayovsiz tanqid nishoniga oldilar

TOSHKENT, 11 dek - Sputnik. Oʻzbekiston Ekologik partiya vakili Ulugʻbek Pirmuhammedovning Toshkentga kirish uchun viloyatliklarga talon joriy qilish taklifi internet hamjamiyati orasida katta-shov-shuvlarga sabab boʻldi.

Eslatib oʻtamiz, Markaziy saylov komissiyasi Xalqaro matbuot markazida oʻtkazilgan navbatdagi sessiyada Toshkent propiskasi masalasi koʻtarilgan va Ekologik partiya vakili Ulugʻbek Pirmuhammedov Toshkentga kirish uchun viloyatliklarga talon joriy qilishni taklif qilgan.

Shundan soʻng, ijtimoiy tarmoq foydalanuvchilari orasida qizgʻin muhokamalar boshlangan.

Xususan, Jahondir Siddiqov nikli foydalanuvchi "Postlarni yanayam kupaytirib kuyib tashash kerak Toshkentga boradigan", desa, yana kimdir poytaxtga yaqin 15 yilda viza joriy etiladi, bu turishda, deya pisanda qilgan.

Aksariyat foydalanuvchilar partiya va uning vakillarini haqoratlashga oʻtgan. 

Shundan soʻng, Ulugʻbek Pirmuhammedov XPK orqali oʻz taklifiga izoh berishga majbur boʻldi.

Pirmuhammedovning taʼkidlashicha, u XPK sessiyasida Ekologik partiya nomidan emas, balki mustaqil shaxs sifatida fikr bildirgan.

"<...>shaxsiy taklifimga eʼtibor bersak, taklifim shundan iboratki, viloyatlardan ishlash maqsadida kelayotgan hamyurtlarimiz maʼlum bir muammolarga uchrayotgani toʻgʻrisida bir qancha mavzular koʻtarildi. Aynan Xalqaro press klub bosh prodyuseri Gʻulomjon Samadov koʻrsatuvida hamyurtlarimizni ishlab turgan joyida profilaktika inspektorlari tomonidan jarimaga tortilayotgani toʻgʻrisida fuqarolar murojaati oʻqib eshittirildi. Uch kun ichida roʻyxatga qoʻymasa qonuniy chora koʻrish kerakligi toʻgʻrisida aytib oʻtildi.

<...>Men ishtirokchi sifatida shaxsiy fikrimni bildirganimda, yaqinlarimiz zarurat yuzasidan ishlash maqsadida kelayotgan boʻlishi mumkin. Ular maʼlum muddatga kelishsada, biz bu yerda ularga roʻyxatdan oʻt deb tursak, bu odamlar uchun adolatsizlik boʻlmaydimi?

<...>Men propiska toʻgʻrisida emas, balki onlayn roʻyxat, qulaylik va xavfsizlikni yaratish maqsadida taklif qildim. Toshkentga kelayotgan qadrdonlarimiz yashab turgan hududlaridagi inspektorlar tomonidan roʻyxatdan oʻtishsa, Toshkentda muammolarga duch kelmasligi uchun onlayn roʻyxat olinsa va bu roʻyxat, yaʼni onlayn portal dasturi orqali aks etsa, PPS tomonidan koʻchadan ushlab ketish holatlari kuzatilganda, bu dastur hamyurtlarimiz huquqini himoya qiluvchi vosita vazifasini bajarardi. Balki shunda hamyurtlarimiz noroziligiga sabab boʻlayotgan muammo qaysidir maʼnoda oʻz yechimini topar edi. Taklifda qiyinchiliklarga duch kelayotgan hamyurtlarimizni kamsitish nazarda tutilmagan, balki ularning huquqini himoya qilish va ularga sharoit yaratish maqsadi bor edi. Vaholanki, hech birimizning haqqimiz yoʻq mahalliychilik qilishga, hammamiz teng huquqli fuqoromiz. Axir Oʻzbekiston Respublikasida bitta yashil pasport bor. Fikrlarimni boshqacha talqin qilmaslikni soʻrar edim.", - deb oʻz soʻzlarini yakunlagan Pirmuhammedov.

Asosiy mavzular