12:06 27 Yanvar 2020
Efir
  • RUB155.06
  • EUR10585.77
  • USD9547.05
Jamiyat
Havola olish
154 0 0

IIBB YHXBB noqonuniy ravishda "migalka" va "sirena" oʻrnatgan avtomobillarni jarima maydonchasiga joylashtirishni boshladi.

TOSHKENT, 14 yanv - Sputnik. Toshkent shahar IIBB maxsus tovush chiqaruvchi va yorituvchi qurilmalarni tegishli ruxsatsiz oʻrnatish qonunga zid ekanligini eslatib oʻtdi. Bu haqdagi ogohlantirish Toshkent shahar IIBB rasmiy saytida eʼlon qilindi. 

Qayd etilishicha, oxirgi paytlarda poytaxtda  haydovchilarning avtomobillarga “migalka” va “sirena”lar oʻrnatganliklari holati tez-tez kuzatilmoqda. Shu bois ushbu harakatlarning jarimalarga sabab boʻlishi IIBB tomonidan qayta ogohlantirildi.

Nezakonnaya ustanovka migalok

Xususan, joriy yilning 10-yanvar kuni soat 12.20 da Minor masjidi yonida maxsus yorituvchi qurilma oʻrnatilgan “Spark” rusumli avtomobil shu hududda xizmat olib borgan YHXB YPX inspektori tomonidan toʻxtatilgan. Aniqlanishicha, avtomobilga oʻrnatilgan maxsus yorituvchi qurilmalar uchun haydovchi tegishli ruxsatga ega boʻlmagan. Holat yuzasidan MJTKning 127-moddasi boʻyicha bayonnoma rasmiylashtirilgan.  

Maʼlumot uchun, tegishli ruxsatsiz transport vositalariga tovush chiqaruvchi va yorituvchi maxsus qurilmalarni oʻrnatish, davlat raqam belgilarini koʻrish imkoniyatini cheklovchi, ularni anglashga toʻsqinlik qiluvchi turli ashyolar oʻrnatish va qoplama surtish ana shu qurilmalarning musodara qilinishiga sabab boʻladi. Mazkur harakatlarni sodir etgan fuqaroga nisbatan esa bazaviy hisoblash miqdorining 1 baravaridan 3 baravarigacha, mansabdor shaxslarga esa — 3 baravaridan 5 baravarigacha miqdorda jarima solinishiga sabab boʻladi.

Bundan tashqari, mazkur qoidabuzarlik hollarida avtomobil MJTKning 291-moddasiga muvofiq jarima maydonchasiga joylanadi.

Asosiy mavzular