10:50 27 Yanvar 2020
Efir
  • RUB155.06
  • EUR10585.77
  • USD9547.05
Jamiyat
Havola olish
59520

2020 yil yoshlarni rivojlantirish, ularga yanada koʻproq sharoit yaratib berish yili boʻladi - Tanzila Narbayeva.

TOSHKENT, 15 yanv – Sputnik. Bugun Toshkentdagi “Milliy” stadionida sport jihozlari ortilgan xayriya karvonini kuzatish marosimi boʻlib oʻtdi, deb xabar qilmoqda Sputnik muxbiri.

Karvonni kuzatish marosimida soʻzga chiqqan senat raisi Tanzila Narbayeva prezidentning yoshlarga alohida eʼtibor berishga qaratilgan siyosati haqida soʻz yuritdi.

“2020 yil yoshlarimizni rivojlantirish, yoshlarga yanada koʻproq sharoit yaratib berish yili boʻladi” – dedi Tanzila Narbayeva.  

Oʻzbekiston aholisining 65 %ini yoshlar tashkil qiladi. Kelajak yoshlar qoʻlida, shuning uchun yoshlar qanchalik sogʻlom, bilimli va salohiyatli boʻlishsa, kelajagimiz ham porloq boʻladi, - deydi senat raisi.  

Narbayeva aytishiga qaraganda, bugungi kunda Oʻzbekistonda yoshlarning salomatligini yaxshilash, ularga bilim berish, dunyoqarashini kengroq qilish, asosiy vazifa bulib turibdi. Bugun taʼlim, sport sohalarda boshlangan islohotlar bir necha yildan keyin oʻz natijasini beradi. Sogʻlom tanda sogʻ aql boʻladi, deydi Narbayeva.

Qoraqalpogʻiston Respublikasi, barcha viloyatlar hamda Toshkent shahri yoshlariga joʻnatilgan ushbu xayriya karvonidan umumiy qiymati qariyb 50 milliard soʻmlik qiymatga teng 96 turdagi sport jihozlari, inventarlari va kiyimlari joy olgan. Ular 230 ta bolalar va oʻsmirlar sport maktablariga hamda 7 542 ta umumtaʼlim maktablariga yetkazib beriladi.

Eslatib oʻtamiz, 2019 yilning 27 dekabrida "2020 yil yoshlarga oid davlat siyosati tub burilish yili boʻladi", - degan edi. Shuningdek, 2019 yilning mart oyida eʼlon qilingan prezidentning 5ta muhim tashabbuslari ichida yoshlar orasida sanʼat, sport va kitobxonlikni rivojlantirish tashabbuslari ham bor.

Asosiy mavzular