14:58 24 Noyabr 2020
Efir
  • RUB136.69
  • EUR12344.73
  • USD10414.86
Jamiyat
Havola olish
429 0 0

Joriy yil 14 yanvar kunidan “Birinchi Yevropa va Osiyo mamlakatlari isteʼmolchilari Forumi”ga start berildi.

TOSHKENT, 15 yanv – Sputnik. Joriy yil 14 yanvar kunidan “Birinchi Yevropa  va Osiyo mamlakatlari isteʼmolchilari Forumi”ga start berildi. Bu haqda Isteʼmolchilar huquqlarini himoya qilish jamiyatlari federatsiyasining axborot xizmati maʼlum qildi.

Qayd etilishicha, forum 2020 yilning 19 yanvar sanasiga qadar Toshkent va Samarqand shaharlarida boʻlib oʻtadi. Forumning birinchi kunidanoq isteʼmolchilar huquqlarini himoya qilishning dolzarb muammolari, yangicha tamoyillar, tijorat va turizm sohalarida isteʼmolchi huquqlarini himoya qilish masalalari muhokama etilmoqda.

Forumning davomi  16-yanvar kunidan boshlab Samarqandda oʻtkaziladi. Unda sohaga doir  xalqaro hamkorlik masalalarini globalizatsiya sharoitida oʻrganish, oʻzaro tajriba almashish boʻyicha qator taklif va tashabbuslar tahlil etiladi.

Forumda ishtirk etish uchun Xalqaro isteʼmolchilar tashkiloti (Consumer International), Xalqaro isteʼmolchilar jamiyatlari konfederatsiyasi vakillari, Buyuk Britaniya, Janubiy Koreya, Rossiya, Tojikiston, Qozogʻiston, Hindiston va Turkiya davlatlarining isteʼmolchilar huquqini himoya qilish tashkilotlari hamda Rossiya sifat nazorati (Roskachestvo) vakillari tashrif buyurishgan.

Ayni damda mamlakatda boʻlgan ushbu mehmonlar uchun forum davomida turli madaniy dasturlar tashkil etilishi, Samarqandning diqqatga sazovor boʻlgan joylari, tarixiy  qadamjolarining koʻrsatilishi maqsad qilingan.

Forumda 250 nafardan ziyod mehmon ishtirok etishi kutilmoqda.   

Asosiy mavzular