TOShKENT, 23 yanv – Sputnik. Toshkent hokim o‘rinbosari Elbek Shukurov jurnalistlar bilan uchrashuvda tunda ishlaydigan kafe va restoranlar nima uchun kerakligi tushuntirdi. Bu haqda mahalliy OAVlar xabar qildi.
Uning so‘zlariga ko‘ra, Toshkentga tunda ishlaydigan kafe va restoranlar kerak. Faqat u yerga tashrif buyuruvchi odamlarni xavfsizligini ta’minlashi zarur.
Eslatib o‘tamiz, iyul oyida tungi vaqtda ishlaydigan umumiy ovqatlanish korxonalari va ko‘ngilochar muassasalarda jamoat xavfsizligini ta’minlashga doir hukumat qarori qabul qilingandi.
Shundan so‘ng kamida 30 kunlik videoyozuvlarni saqlay oladigan videokuzatuv tizimiga ega bo‘lgan muassasalar tunda xizmat ko‘rsatish huquqini oldi.
Shuningdek, yoritilgan yondosh hudud, yong‘in o‘chirish uskunalari, aptechka, evakuatsiya sxemalari yozilgan belgilar, ko‘ringan joylarda favqulodda vaziyatlar va qutqaruv telefon raqamlari bo‘lishi talablar ro‘yxatiga kiritildi.
