10:18 27 Fevral 2020
Efir
  • RUB148.82
  • EUR10329.35
  • USD9526.28
Jamiyat
Havola olish
400 0 0

Toshkentning eng katta chorrahalaridan biri boʻlgan Ohangaron va Parkent, Maxtumquli hamda Sharqiy aeroport koʻchalarini bogʻlovchi yangi transport yechimining qurilish ishlari tez orada nihoyasiga yetkaziladi.

TOSHKENT, 11 fev — Sputnik. Hozirda “Oʻzbekiston temir yoʻllari” AJ tarkibidagi “Koʻprikqurilish tresti” UK tomonidan olib borilayotgan mazkur yoʻl oʻtkazgich qurilishi ishlarining 90 foizidan ortigʻi bajarilgan. Bu haqda “Oʻzbekiston temir yoʻllari” AJ axborot xizmati maʼlum qildi.

Maʼlum qilinishicha, yaqinda Toshkentning eng katta chorrahalaridan biri boʻlgan Ohangaron va Parkent, Maxtumquli hamda Sharqiy aeroport koʻchalarini bogʻlovchi yangi transport yechimining qurilish ishlari nihoyasiga yetkaziladi.

Ushbu yoʻl oʻtkazgichning qurilish ishlari  2018 yilning may oyida boshlanib, loyiha mamlakatdagi ilk uch pogʻonalik transport yechimi hisoblanadi.  

Uning atrofida birorta ham svetoforlar boʻlmaydi. Avtomobillar barcha yoʻnalishda toʻxtovsiz harakatni davom ettirishi oson boʻladi, tirbandliklarning oldi olinadi. 

Shuningdek, Ohangaron va Parkent koʻchalari umumiy uzunligi 502 metr boʻlgan tunnel uslubidagi yoʻl oʻtkazgich bilan bogʻlanadi. 

Tunnel kengligi 26,7 metr, koʻprik osti balandligi 5,5 metrni tashkil etadi. Loyiha ikkinchi pogʻonasida esa 2 ta umumiy diametri 329, 2 metrdan iborat  boʻlgan xalqasimon yoʻl oʻtkazgich boʻladi. 

Uchinchi pogʻonadagi umumiy uzunligi 593 metr, kengligi 26 metr boʻlgan yoʻl oʻtkazgichlar Maxtumquli va Sharqiy aeroport koʻchalarini bogʻlaydi. Uning 411 metri estakada, 182 metri esa tayanch devordan iborat.

Mutaxassislarga koʻra, tez orada loyihadan oʻrin olgan barcha qurilish ishlari yakunlanib, uch pogʻonali transport yechimi foydalanishga topshiriladi.

Asosiy mavzular