19:20 28 Fevral 2020
Efir
  • RUB148.82
  • EUR10329.35
  • USD9526.28
Jamiyat
Havola olish
299 0 0

“Samarqand-Toshkent-Sankt-Peterburg” yoʻnalishida muntazam avtobus qatnovi yoʻlga qoʻyiladi. Chipta narxi Samarqanddan 840 ming soʻm, Toshkentdan esa 800 ming soʻmni tashkil etadi.

TOSHKENT, 13 fev — Sputnik. Joriy yilning 25 fevral kunidan “Samarqand-Toshkent-Sankt-Peterburg” yoʻnalishida muntazam avtobus qatnovi yoʻlga qoʻyiladi.

Transport vazirligi xabariga koʻra, qatnovlar kun ora amalga oshiriladi. Yoʻnalishda “Uzautotrans service” MCHJ va Rossiyaning “TTK GLOBUS” MCHJ yoʻlovchilarga xizmat koʻrsatadi.

Maʼlum qilinishicha, qatnov Samarqand avtovokzalidan soat 09:00 boshlanadi va “Toshkent” avtovokzalidan avtobus 15:00 joʻnaydi. Qatnov masofasi 4436 km.ni tashkil etadi.

Chipta narxi Samarqanddan 840 ming soʻm, Toshkentdan esa 800 ming soʻmni tashkil etadi.

Eslatib oʻtamiz, avvalroq 15 fevraldan "Toshkent-Omsk" yoʻnalishida muntazam avtobus qatnovi yoʻlga qoʻyilishi xabar qilingan edi.

Asosiy mavzular