TOShKENT, 14 fev — Sputnik. Bugun AOKAda “2019 yilda iste’molchilarni uzluksiz elektr energiyasi bilan ta’minlash borasidagi faoliyat: erishilgan natijalar va istiqboldagi ustuvor vazifalar” mavzusida matbuot anjumani bo‘lib o‘tdi, Sputnik muxbiri xabariga asosan.
Anjumanda ishtirok etgan «Hududiy elektr tarmoqlari” boshqaruvi raisi Ulug‘bek Mustafoyevning ta’kidlashicha, bugungi kunda O‘zbekistonda “Elektr energiyasini hisobga olish va nazorat qilishning avtomatlashtirilgan tizimi (ASKUE)ni joriy etish bo‘yicha salmoqli ishlar amalga oshirilmoqda.
Masalan, ushbu avtomatlashtirilgan tizimdagi hisoblagichalar iste’molchilarga “Hududiy elektr tarmoqlari” AJ mablag‘lari hisobidan bepul o‘rnatib berilmoqda.
Xususan, bugungacha mamlakatning 68 ta tuman va shaharlarining 3 milliondan ziyod xonadonlariga zamonaviy elektr hisoblagichlar o‘rnatilgan.
Joriy yil yakuniga qadar esa yana 7 million aholining zamonaviy elektr hisoblagichlar bilan ta’minlishi ko‘zda tutilmoqda.
Qo‘shimcha ma’lumot: avtomatlashtirilgan tizimlar bu elektr energiyasi iste’molchilari tomonidan iste’mol rejimlarini operativ nazorat qilish, uni tahlil qilish, iste’molchilar yuklanishini optimal boshqarish imkonini beradi.
Ushbu tizim (ASKUE)dan foydalangan holda, energoobyektlarda ma’lumot yig‘ish, uni shakllantirish, axborot to‘plash, uni yuqori boshqaruv darajasiga uzatish, elektr energiya yetkazib beruvchilari va iste’molchilar o‘rtasida tijoratga oid hisob-kitoblarni bajarish vazifasini bajaradi.
Avtomatlashtirilgan tizimlar elektr energiyasi va quvvat iste’molchilari tomonidan iste’mol rejimlarini operativ nazorat qilish, uni tahlil qilish, iste’molchilar yuklanishining optimal boshqarish imkonini beradi.
ASKUEdan foydalangan holda, energoobyektlarda ma’lumot yig‘ish va shakllantirish, axborot yig‘ish, unit yuqori boshqaruv darajasiga uzatish, shuningdek elektr energiya yetkazib beruvchilari va iste’molchilar o‘rtasida tijoratga oid hisob-kitoblarni bajarish vazifasini bajaradi.
