TOShKENT, 28 fev - Sputnik. O‘zbekistonda beshta universitet qoshida pedagogika institutlari tashkil etildi. Bu haqida O‘zbekiston prezidentining “Pedagogik ta’lim sohasini yanada rivojlantirish chora-tadbirlari to‘g‘risida”gi qarorida aytib o‘tilgan.
Xususan, bakalavriat va magistratura mutaxassisliklari bo‘yicha quyidagi institutlar tashkil etiladi:
- Samarqand davlat universiteti negizida Pedagogika instituti;
- Andijon davlat universitetining Pedagogika instituti;
- Buxoro davlat universitetining Pedagogika instituti;
- ToshDPU Termiz filiali negizida Termiz davlat universitetining Pedagogika instituti;
- ToshDPU Shahrisabz filiali negizida Qarshi davlat universitetining Pedagogika instituti.
Eslatib o‘tamiz, biroz oldin O‘zbekistonda pedagogika ta’limi sohasida ayrim yo‘nalishlarda oliy ta’lim davomiyligini 3-yil etib belgilash haqida prezident qarori qabul qilingan edi. Xususan, musiqa, jismoniy tarbiya, chaqiriqqacha harbiy ta’lim, tasviriy san’at, boshlang‘ich va texnologik ta’lim yo‘nalishlarida baklavriat bo‘yicha o‘qish muddati 3-yil etib belgilangan edi.
