TOShKENT, 6 mar - Sputnik. Xalq deputatlari Namangan shahar Kengashining navbatdan tashqari sessiyasida Olimjon Isayev Namangan shahar hokimi etib tayinlandi, deb xabar beradi shahar hokimligi matbuot xizmati.
Yig‘ilishda Prezidentning maslahatchisi o‘rinbosari Umar Ismoilov va viloyat rahbari Xayrullo Bozorov ishtirok etdi.
Olimjon Isayev 1972-yilda Namanganda tug‘ilgan. Toshkent davlat agrar universiteti va Namangan davlat universitetini tamomlagan. Ushbu lavozimga tayinlangunga qadar u "O‘zagrokimoximoya" aksiyadorlik jamiyatining raisi bo‘lgan.
Eslatib o‘tamiz, kecha shahar ma’muriyatining sobiq rahbari Shavkat Abdurazzoqov Ekologiya va atrof-muhitni muhofaza qilish davlat qo‘mitasi raisi etib tayinlangan edi.
Bu Oliy Majlis Qonunchilik palatasining yalpi majlisida ma’lum bo‘ldi.
