01:41 02 Iyun 2020
Efir
  • RUB121.10
  • EUR10637.67
  • USD9554.22
Jamiyat
Havola olish
383 0 0

Oʻzbekistonda koronavirus infektsiyasining birinchi holatlari paydo boʻlishi bilan bogʻliq cheklov choralari joriy etildi. Sherzod Qudratxoʻjayev universitetda darslar qanday tashkil etilishi haqida soʻzlab berdi hamda oziq-ovqat borasida oʻzbekistonliklarni tinchlantirdi.

Xavfli COVID-19 virusi tarqalishining oldini olish maqsadida Oʻzbekistonda bir qator cheklov choralari koʻrilmoqda. Xususan, xalqaro havo va temir yoʻl qatnovi vaqtincha toʻxtatildi, maktab oʻquvchilari, talabalar va bolalar bogʻchalari tarbiyalanuvchilari uylariga joʻnatildi, ommaviy tadbirlar bekor qilindi va kinoteatrlar yopildi.

Oziq-ovqat mahsulotlariga narxlarning asossiz ravishda koʻtarilishini oldini olish uchun Davlat soliq qoʻmitasi va Bosh prokuratura hodimlaridan tashkil topgan maxsus ishchi guruhi tuzilgan.

Xalqaro press-klub raisi, Jurnalistika va ommaviy axborot vositalari universiteti rektori Sherzod Qudratxoʻjayev universitetning ushbu murakkab davrda amalga oshirgan chora-tadbirlari haqida Sputnik nashriga soʻzlab berdi.

“Ha, aksariyat talabalar oʻzlarining ritmini yoʻqotmasliklari va oʻquv jarayonidan chetga chiqmasliklari uchun ketishni xohlamadilar. Ammo bu zaruriy chora, hamma buni tushunadi. Hozir biz masofaviy maʼruza formatlari ustida ishlamoqdamiz. Birinchidan, bu dasturiy fanlari - oʻzbek, rus va ingliz tillari, jurnalistika nazariyasi va boshqa fanlar. Ammo bundan tashqari, universitet shu ikki hafta ichida talabalarga faollikni yoʻqotmasliklari va ularga hayotning turli jabhalarida oʻzini koʻrsata olish imkoniyatlari borasida motivatsion dars berishi mumkin boʻlgan taniqli maʼruzachilarni jalb qilish boʻyicha muzokaralar olib bormoqda”, - deya tushuntirdi Qudratxoʻjayev.

Shuningdek, u hukumatning kengaytirilgan yigʻilishidan keyin respublikada koronavirus tarqalishining oldini olish boʻyicha muhim choralar koʻrilganligini qoʻshimcha qildi. Bugun ular oʻz samarasini bera boshladi. Endilikda davlat organlari va hukumatning ishi, iloji boricha, masofadan ishlash rejimiga oʻtkazildi va mavjud barcha muammolar esa zudlik bilan hal qilinmoqda. Oziq-ovqat xavfsizligiga kelsak, oʻzbekistonliklar uchun tashvishlanadigan narsa yoʻq.

“Bugun ommaviy axborot vositalari, jamoatchilik va blogerlar ishtirokida reydlar oʻtkazilmoqda – va umuman olganda vaziyat tinch. Dastlabki soatlar ichida keyinchalik uchun koʻproq mahsulot sotib olishni istagan odamlar boʻldi, ammo hozir hamma tinchlandi. Mamlakatimiz tabiyat inomlariga boy va men hech qanday muammo va tashvishlanishga asos yoʻqligini koʻryapman. Birontasida yetishmovchilik yoki kimdir och qolishi xavfi yoʻq. Masalan, hayvonlarni kuzatib, ular oldindan oziq-ovqatni gʻamlab qoʻyishini koʻrmaymiz. Misol uchun, koʻk kit uch tonna baliqni isteʼmol qiladi va odamga juda ham kam oziq-ovqat kerak, shuning uchun yetmay qoladi deb qoʻrqishga ne hojat", - deya taʼkidladi Sherzod Qudratxoʻjayev.

Shu bilan birga, u vatandoshlarni ortiqcha vahimaga berilib, mahsulotlar tanqisligini yuzaga keltirmaslik, shuningdek, oziq-ovqat va tibbiy buyumlari boʻyicha chayqovchilik qilmaslikka chaqirdi.

Soʻnggi maʼlumotlarga koʻra, Oʻzbekistonda COVID-19 bilan bogʻliq 10 ta holat qayd etilgan, deyarli barcha bemorlar chet elga safarida boʻlganlar yoki chet eldan kelganlar bilan aloqada boʻlishgan.

Asosiy mavzular