06:03 30 Mart 2020
Efir
  • RUB130.22
  • EUR10572.34
  • USD9520.34
Jamiyat
Havola olish
528 0 0

Rossiyadan Oʻzbekistonga qaytadiganlar roʻyxatiga qoʻshilish uchun nima qilish kerak? Jahongir Xidayxodjayev bu kabi savollarga oydinlik kiritdi.

TOSHKENT, 22 mar — Sputnik. Tashqi ishlar vaziri maslahatchisi Jahongir Xidayxodjayev Oʻzbekistonning xorijiy davlatlar bilan barcha xalqaro avia, avto va temir yoʻl qatnovlari vaqtincha bekor qilish toʻgʻrisidagi qarori sabab yuzaga kelgan vaziyatga oydinlik kiritdi.

Taʼkidlanishicha, TIV, hamda mamlakatning 53 ta elchixonalari va konsullik muassasalarida Oʻzbekistonning xorijdagi fuqarolari murojaatlariga tezkorlik bilan javob berish uchun Operativ shtablar tuzilgan.

22 mart holatiga koʻra operativ shtablarga 5852 nafar Oʻzbekiston fuqarolari va 2820 nafar chet el fuqarolari vatanga qaytishni soʻrab murojaat etgan.

Turli yoʻnalishlarda 19 ta charter reyslari hamda Rossiya, Turkiya va Koreyadan muntazam charter reyslarini tashkillashtirish boʻyicha xorijiy davlatlar bilan kelishuvga erishildi.

Shuningdek, Rossiyaning migratsiya qonunchiligini buzgan Oʻzbekiston fuqarolariga nisbatan jazo choralar koʻrishni vaqtincha toʻxtatib turish toʻgʻrisida kelishuvga erishilgan.

Yuzlab oʻzbekistonliklar 16 martdan buyon Istanbul aeroportida qolmoqda. Ularga kimdir yordam beradimi?

Tashqi ishlar vaziri maslahatchisi Jahongir Xidayxodjayev: TIV Operativ shtabi Istanbul xalqaro aeroportida favqulodda choralar joriy etilishi natijasida qolib ketishga majbur boʻlgan fuqarolarimizning murojaatlari monitoringini olib bormoqda.

Turkiya Respublikasidagi diplomatik vakolatxonalarimizga fuqarolarimizni ikki marta ovqat bilan taʼminlash, ular duch kelgan boshqa sanitar va maishiy masalalarni tezkorlik bilan hal qilish vazifalari qoʻyildi.

Turkiya Respublikasining vakolatli idoralari bilan fuqarolarimizni olib chiqish uchun charter reyslarini tashkillashtirish boʻyicha muzokaralar olib borildi. Natijada 21 mart kuni shunday charter reyslarning birinchisi amalga oshirildi. Tez orada keyingi reyslar ham tashkillashtiriladi. 

Hozirda “Toshkent-Istanbul-Toshkent” yoʻnalishida uchadigan muntazam charter reyslarini tashkillashtirish masalasi hal qilinmoqda.

Novosibrsk aeportida yurtdoshlarimiz qolib ketishgan. Boshqa davlat fuqorolari uchib ketayapti, faqatgina Oʻzbekistonliklar keta olmayapti. Elchixona nima ish qilyapti?

Tashqi ishlar vaziri maslahatchisi Jahongir Xidayxodjayev: Shu masalada ham koʻplab murojaatlar kelib tushgan. Novosibirsk shahridagi Bosh konsulxonaga 500 dan ortiq fuqarolar vatanga qaytish istagini bildirib murojaat qilgan.

Novosibirsk aeroportida qolib ketgan 150 ga yaqin fuqarolarimizning muammolarini hal qilish uchun Bosh konsul boshchiligidagi guruh bevosita voqea joyiga borib, charter reysi tashkil etilguncha fuqarolarimizni vaqtincha turar-joy bilan taʼminlash va ularning boshqa maishiy masalalarini hal qilishga koʻmak koʻrsatdi.

Kecha, 21 mart kuni fuqarolarimizning birinchi guruhi charter reysi bilan Novosibirsk shahridan vatanimizga olib kelindi. Qoʻshimcha reyslarni tashkil qilish borasida ishlar olib borilmoqda.

Rossiyadan Oʻzbekistonga qaytadiganlar roʻyxatiga qoʻshilish uchun nima qilish kerak?

Tashqi ishlar vaziri maslahatchisi Jahongir Xidayxodjayev: Oʻzbekistonning Moskva shahridagi elchixonasi yoki Rossiya hududida joylashgan Bosh konsulxonalarimiz huzurida fuqarolarimizning murojaatlariga tezkor javob qaytarish boʻyicha tuzilgan shtablarga telefon orqali murojaat qilib, vatanga qaytish istagi borligini va oʻzini shunday roʻyxat qoʻshishni aytishi kerak.

Bunda fuqaromizdan oʻz pasporti nusxasini operativ shtab elektron pochtasiga yuborish va oʻzi turgan manzil haqida xabar berishi soʻraladi. Agar qoʻlida “Uzbekistan Airways” aviakompaniyasining bekor qilingan reyslari uchun chiptasi boʻlsa, uni ham taqdim qilish tavsiya etiladi.

Moskvadan 19 martda uchib ketish uchun olgan biletim kuydi. Endi bizni olib ketish uchun keladigan samolyotga ham bilet olishim kerakmi?

Tashqi ishlar vaziri maslahatchisi Jahongir Xidayxodjayev: Davlatimiz rahbarining topshirigʻiga binoan 21 martdan boshlab, charter reyslari orqali chet eldagi, xususan Rossiyadagi fuqarolarimizni olib kelish tashkil etiladi. “Uzbekistan Airways” aviakompaniyasining bekor qilingan reyslariga biletlari tashkil qilinadigan charter reyslar uchun oʻz kuchini yoʻqotmaydi.

Charter reyslari uchun fuqarolarimiz roʻyxatini shakllantirishda ogʻir kasallikdan aziyat chekayotganlar, homiladorlar va yosh bolali ayollar, qariyalar, “Uzbekistan Airways” aviakompanisining 16 martdan 21 martgacha boʻlgan davrdagi bekor qilingan reyslari uchun chiptaga ega hamyurtlarimiz birinchi galda inobatga olinadi.

Fuqarolar soni kam boʻlsa, ular uchun ham charter reyslari tashkil qilinadimi? Misol uchun 15-20 kishi uchun.

Tashqi ishlar vaziri maslahatchisi Jahongir Xidayxodjayev: Bunday holatlar ham inobatga olingan, ular ham eʼtibordan chetda qolmaydi.

Bunda ushbu davlatdan oʻz fuqarolarini olib chiqayotgan xalqaro sheriklarimiz va mintaqadagi qoʻshni davlatlar bilan muzokaralar olib borilmoqda.

Misol uchun 20 mart kuni Qozogʻiston orqali 4 nafar fuqaromiz Misrdan olib kelindi.

Moskva aeroportida uch kundan beri qolib ketdik. Yotishga joyimiz yoʻq. Qachon bu muammo hal qilinadi?

Tashqi ishlar vaziri maslahatchisi Jahongir Xidayxodjayev: Charter reys tashkillashtirilgunga qadar Moskva aeroportlaridagi fuqarolarimiz vaqtincha turar joy bilan taʼminlanmoqda. Bu uchun Moskvadagi elchixonamizga moliyaviy mablagʻlar ajratildi.

Bu borada boshqa yoʻnalishlardagi ishlar ham davom ettiriladi.

Asosiy mavzular