03:41 01 Noyabr 2020
Efir
  • RUB136.11
  • EUR12285.78
  • USD10359.88
Jamiyat
Havola olish
COVID-19 umumjahon pandemiyasi (1239)
197 0 0

Toshkent shahar bosh imom-xatibi musulmonlarni koronavirus bilan bogʻliq qiyin vaziyatda haqiqiy sabr qilishga chorladi va xurofotga, bidʼatga berilmaslik haqida nasihat qildi.

TOSHKENT, 26 mar — Sputnik. Toshkent shahar bosh imom-xatibi epidemik vaziyatda musulmonlarni sabr qilishga chorladi va ayni damda tadbir-marosimlarda toʻplanmoqchi boʻladiganlar yuzasidan munosabat bildirdi.

Xalqaro pres-klubda COVID-19 virusi muammosi, tahlili va yechimiga bagʻishlangan muloqot dasturi tayyorlandi.

Unda koronavirusga qarshi kurashish hamda uning oldini olish boʻyicha koʻrilayotgan choralar davrida musulmonlar uchun masjidlarning yopilgani, hatto necha ming yillik tarixga ega boʻlgan muqaddas Kaʼbaning vaqtinchalik berkitilgani oʻziga yarasha ramziy maʼnoga ega ekanligi, musulmonlar undan qanday xulosa chiqarishlari lozimligi haqidagi savol oʻrtaga tashlandi.

Dasturda ishtirok etgan Toshkent shahar bosh imom-xatibi Nuriddin Xoliqnazarovning savol yuzasidan fikr bildirishicha, ayni paytda musulmonlar xurofotga berilmagan holda haqiqiy sabr qilishlari maqsadga muvofiqdir.

- Haqiqiy sabr shunday sabrki, kulfat boshga tushgan zahoti sabr qilishdir. Bir necha kun oʻtgandan keyin koʻnikib qolish boʻladi, sabr boʻlmaydi, – deya taʼkidlaydi imom-xatib savol yuzasidan.

Uning fikricha, Madina-yu Munavaraning musulmonlar uchun berkitilishi  butun insoniyatni yanada oʻy fikrga, Ollohning oldidagi majburiyatlarini oʻylashga undaydi.

Shuningdek, oʻzbek xalqining boshiga juayam koʻp sinovlar tushgan, lekin bu xalq har qanday sinovni yengib oʻtgan xalq. Kutilmagan virusning tarqalishi, hozirgi kunda karantin deya eʼlon qilinishi xalqni birlashishga chaqiradi, tarqalishga emas.

- Butun dunyo ulamolari ibodatni vaqtinchalik uyda qilinglar deb tursa, 4-5 ta odam turli bidʼatu xurofotga berilgan holatda toʻplanib, biron bir marosim, xursandchilik oʻtkazishlik, jamoatga toʻplanishlik bu tamomila aqlsizlik... Chunki moʻmin musulmon odam toʻgʻri xulosa qiladigan zakovatli boʻlishi kerak. Bunaqa paytda turli fikrlar bildirib, hamma har tomonga tortish kerakmas, balki birlashishimiz kerak. Faqat birlashish va bir birimiz bilan ahil boʻlish orqaligini buni yengib oʻtamiz, – deya taʼkidlaydi imom-xatib Nuriddin Xoliqnazarov.

Eslatib oʻtamiz, Oʻzbekiston musulmonlari idorasi Ulamolar Kengashi koronavirus tarqalishining oldini olish yuzasidan respublika musulmonlarga murojaat va chaqiriq bilan chiqqan edi. Unda epidemiologik vaziyat barqarorlashgungacha juma namozlari oʻrniga uyda peshin namozini oʻqish, shuningdek, besh vaqt namozlarni ham uyda ado etish soʻralgan. Bundan tashqari, janoza namozlari vafot etganning yaqin qarindoshlari ishtirokida xonadonlarda oʻqilishi soʻralgan.

Mavzu:
COVID-19 umumjahon pandemiyasi (1239)

Asosiy mavzular