05:48 30 Mart 2020
Efir
  • RUB130.22
  • EUR10572.34
  • USD9520.34
Jamiyat
Havola olish
367 0 0

Oʻzbekiston aholisi hayotida 1 apreldan qator oʻzgarishlar roʻy beradi.. Yer ajratishdagi shaffof tizim, shaxsni ushlashdagi harakatlarni majburiy tarzda video tasvirga tushirish tartibi shular jumlasidan.

TOSHKENT, 26 mar — Sputnik. Oʻzbekiston Adliya vazirligi 1 apreldan qonunchilikda roʻy beradigan oʻzgarishlar haqida maʼlumot tayyorladi.

1. Jismoniy shaxslar tomonidan xayriya tashkilotlaridan moddiy naf tarzida olinadigan daromadlar soliqqa tortishdan ozod qilinadi.

2. Import qilinadigan oziq-ovqat mahsulotlarining tezkor tartibda, shu jumladan ruxsat beruvchi hujjatlarni Oʻzbekiston hududiga kirib kelgunga qadar berish orqali bojxona rasmiylashtiruvi mexanizmi joriy etiladi.

3. 14 yoshgacha bolalari boʻlgan oilalarga nafaqa, bola 2 yoshga toʻlgunga qadar bola parvarishi boʻyicha nafaqa va moddiy yordam oluvchilar soni 10 foizga oshiriladi.

4. 2020 yil 1 apreldan 1 oktyabrgacha boʻlgan davrda:

- yakka tartibdagi tadbirkorlar uchun ijtimoiy soliqning oylik eng kam summasi BHMning 50 foiziga qadar kamaytiriladi;

- alkogol mahsulotlarining ulgurji savdosi bilan shugʻullanuvchi korxonalarning ajratmalari miqdori 5 foizdan 3 foizga pasaytiriladi;

- umumiy ovqatlanish korxonalari uchun alkogol mahsulotlarini chakana sotish huquqi uchun yigʻimlar miqdori belgilangan miqdorlardan 25 foizga kamaytiriladi.

5. 2020 yil 1 apreldan 1 iyulgacha boʻlgan davrda turistik (mehmonxona) yigʻimini hisoblash va toʻlash toʻxtatiladi.

6. 1995 yil 1 yanvarga qadar Oʻzbekiston hududiga kirib kelgan va doimiy propiskadan oʻtgan, chet davlat fuqaroligini qabul qilmaganlar Oʻzbekiston fuqarosi deb tan olinadi.

7. Tuman (shahar) maktabgacha taʼlim boʻlimlari ushbu hududdagi bogʻchalar sonidan kelib chiqib, I, II va III guruhlarga ajratiladi va shu asosda maktabgacha taʼlim tizimi xodimlari mehnatiga haq toʻlash tartibi takomillashtiriladi.

8. Toshkent shahri va Toshkent viloyatida koʻchmas mulkni olishda Oʻzbekiston fuqarolari uchun ushbu hududlarda doimiy propiskaga ega boʻlish talab qilinmasligini koʻzda tutuvchi tartib joriy etiladi.

9. FHDYO organlari Adliya vazirligi huzuridagi Davlat xizmatlari agentligi tasarrufiga oʻtkaziladi.

10. Quyidagi davlat xizmatlari Toshkent shahrida faqat Yagona interaktiv davlat xizmatlari portali hamda davlat va xoʻjalik boshqaruvi organlari, mahalliy davlat hokimiyati organlarining rasmiy veb-saytlari orqali koʻrsatiladi:

Tseremoniya brakosochetaniya.
© Sputnik / Mixail Markiv

- Qizil kitobga kiritilmagan yovvoyi oʻsimliklar va ularning qismlarini olib kirish va olib chiqishga ruxsatnoma;

- Qizil kitobga kiritilmagan yovvoyi hayvonlarni saqlash va koʻpaytirish boʻyicha pitomnikni, shuningdek, zoologik kollektsiyalarni hisobga qoʻyish toʻgʻrisidagi guvohnoma;

- Tadbirkorlik subʼyektlari yagona davlat reyestridan tadbirkorlik subʼyektining oʻzi toʻgʻrisida koʻchirma;

- Tadbirkorlik subʼyektlari yagona davlat reyestridan soʻralayotgan axborot va (yoki) hujjat mavjud emasligi toʻgʻrisida maʼlumotnoma berish;

- Tadbirkorlik subʼyektlari yagona davlat reyestridan tadbirkorlik subʼyektlari roʻyxatini elektron shaklda berish, olish imkoniyati qonun hujjatlari bilan cheklangan maʼlumotlar bundan mustasno;

- Manzil-maʼlumot axborotlarini taqdim etish;

- Soliq toʻlovchi jismoniy shaxslarni soliq organlarida hisobga qoʻyish, STIR berish;

- Yakka tartibdagi tadbirkorning roʻyxatdan oʻtkazilganlik toʻgʻrisidagi guvohnomasini toʻxtatib turish.

11. Tajriba-sinov tariqasida Toshkent viloyati Qibray va Toshkent tumanlari, Fargʻona viloyati Fargʻona va Oltiariq tumanlari hamda Qashqadaryo viloyati Kitob va Nishon tumanlarida:

- jismoniy va yuridik shaxslarga yer uchastkalarini qishloq xoʻjaligi maqsadlari uchun shaffof va ochiq tanlov oʻtkazish orqali ajratish mexanizmi joriy etiladi;

- jismoniy va yuridik shaxslarga keyinchalik tanlovga qoʻyish boʻyicha tashabbus koʻrsatish huquqini taqdim etgan holda maxsus geoportal orqali yer uchastkasi toʻgʻrisidagi maʼlumotlarni joylashtirish huquqi beriladi;

- qishloq xoʻjaligiga moʻljallangan yerlardan foydalanish huquqining bozor qiymatini baholash hamda ulardan soliqqa tortishda foydalanish mexanizmi joriy etiladi.

12. Ruhiy kasalliklar boʻyicha dispanser hamda Narkologiya dispanseri tomonidan fuqarolarning hisobda turishi yoki turmasligi toʻgʻrisidagi maʼlumotnomani toʻgʻridan-toʻgʻri berish amaliyoti bekor qilinadi.

Fuqarolarga Ruhiy kasalliklar boʻyicha dispanser hamda Narkologiya dispanseri hisobida turishi yoki turmasligi toʻgʻrisidagi maʼlumotnoma faqat Davlat xizmatlari markazlari yoki YAIDXP orqali taqdim etiladi.

Narkologiya va ruhiy kasalliklarga chalingan fuqarolar hisobi faqat elektron shaklda yuritiladi.

13. Shaxsni ushlash, unga protsessual huquqlarini tushuntirish, himoyachidan voz kechish harakatlarini majburiy tarzda video tasvirga tushirish tartibi joriy etiladi.

Shuningdek, huquqni muhofaza qiluvchi organlar xodimlari zimmasiga ular tomonidan shaxs ushlanganidan soʻng uning ushlangani va ushlab turilgan joyi toʻgʻrisida uning oila aʼzolaridan birini, ular boʻlmagan taqdirda esa, boshqa qarindoshlarini yoki yaqin kishilarini darhol xabardor qilish boʻyicha majburiyat yuklanadi.

14. Byudjet tashkilotlarining chet el valyutasidagi mablagʻlariga nisbatan Moliya vazirligi Gʻaznachiligida shaxsiy gʻazna hisobvaraqlari ochish orqali gʻazna ijrosi mexanizmi joriy etiladi.

Asosiy mavzular