18:56 25 Sentyabr 2020
Efir
  • RUB136.28
  • EUR12210.60
  • USD10315.62
Jamiyat
Havola olish
539 0 0

Moskva meri Sergey Sobyanin avvalroq fuqarolarga koronavirus tarqalishi bilan bogʻliq vaziyat tufayli poytaxtdagi diniy obʼyektlarga tashrif buyurmaslikni tavsiya qilgan edi. Bu haqda tegishli qaror payshanba kuni mer va shahar hukumati portalida eʼlon qilingan.

TOSHKENT, 26 mar - Sputnik. Musulmonlar Moskva merining fuqarolarning diniy obʼyektlarga tashrif buyurmasliklari boʻyicha qarorini toʻliq qoʻllab-quvvatlaydilar va bu borada barcha choralarni koʻrganlar, deb xabar qildi RIA Novosti XAAga Rossiya muftiylar kengashi rahbari oʻrinbosari Rushan Abbyasov.

"Biz allaqachon kerakli choralarni koʻrib qoʻydik. 18 martdan boshlab Moskva va Moskva viloyatidagi masjidlarimizni jamoaviy va juma namozlariga yopdik va boshqa mintaqalarda ham barcha shu choraga amal qilmoqda. Biz merning bu murojaatini albatta qoʻllab-quvvatlaymiz va dindorlarimizni "uyda oʻtiring" aktsiyasini qoʻllab-quvvatlashga, koʻp sonli odamlar ishtirok etadigan katta tadbirlarga bormaslikka chaqiramiz", - dedi Abbyasov.

Uning taʼkidlashicha, oʻtgan juma kuni musulmon jamoalari onlayn-translyatsiyalardan foydalangan holda dindorlarsiz ibodat qildilar. Shuningdek, uyda oʻtirgan holda imomlar maʼruzalarini tinglash mumkin boʻlgan va musulmonlar uyda ibodat qilganlar.

"Bu chora-tadbirlarga barcha tushungan holda yondashdi, umuman diniy ilm nuqtai nazaridan shunday choralarga oʻrin bor", - dedi musulmon arbobi.

Uning soʻzlariga koʻra, hatto Muhammad paygʻambar davrida ham odamlar uchun jiddiy xavf mavjud boʻlgan taqdirda muazzinlar (masjiddagi hizmatchilar) baland ovozda azon (namozga chaqirish - tahr.) aytib, unda "namozni oʻz uylaringizda oʻqing", deganlar.

"Va bugun ham biz xuddi shu chaqiriqqa amal qilamiz - uylarda ibodat qilamiz va dindorlardan masjidga kelmaslikni soʻraymiz. Bu majburiy choradir. Aloqani yoʻqotmaslik uchun yangi texnologiyalardan foydalanamiz, chunki bugungi kunda har bir uyda internet bor",- dedi Abbyasov. U barcha musulmon oʻquv markazlari masofaviy oʻqishga oʻtkazilganini aytdi.

Moskva meri Sergey Sobyanin avvalroq fuqarolarga koronavirus tarqalishi bilan bogʻliq vaziyat tufayli poytaxtdagi diniy obʼyektlarga tashrif buyurmaslikni tavsiya qilgan edi. Bu haqda tegishli qaror payshanba kuni mer va shahar hukumati portalida eʼlon qilingan.

Asosiy mavzular