Parazitlarga qarshi dori vositasi hisoblangan ivermektin - antivirus ta’sirga ega va 48 soat ichida hujayralarda SARS-CoV-2 ko‘payishini bostirishga qodir, deya ta’kidlamoqda Avstraliyaning Monash universiteti va Melburn shahridagi Qirollik shifoxonasi olimlari. Xulosalar Antiviral Research nashrida e’lon qilingan.
Tadqiqotchilar infeksiyaga chalingan kishiga u zararlangandan so‘ng ikki soat o‘tgach, ivermektin preparatini qo‘lladilar va virus bilan zararlangan hujayralardagi dori ta’sirini tahlil qildilar. Ma’lum bo‘lishicha, preparatning bitta dozasidan so‘ng 24 soat o‘tgach, virusli RNK miqdori hujayralarda 93%ga, ikki kundan keyin esa 99%ga kamaygan. Shu bilan birga, tajriba davomida ivermektin namunalarga zaharli ta’sir ko‘rsatmagan.
N.F. Gamaleya nomidagi RF SSV Milliy epidemiologiya va mikrobiologiya ilmiy markazi professori, kafedra mudiri Aleksandr Butenko Sputnik radiosi efirida ushbu kashfiyotning ahamiyatini baholadi.
Onaizor koronavirusdan vafot etgan o‘g‘lining so‘nggi so‘zlari bilan bo‘lishdi >>>
"Agar bir sutkadan keyin virus yuki sezilarli darajada kamayib, 48 soatdan keyin yanada ko‘prok pasaygan bo‘lsa, bu juda jiddiy. To‘g‘ri, tanadagi viruslarni aniqlashning spetsifik usullari nazorati ostidami yoki yo‘q, tekshirish kerak. Shuningdek, klinik kuzatuvlar (kerak)... Hozircha bularning barchasi hujayralarda, hayvonlar yoki odamlarning tanasidan tashqarida kuzatilgan va ba’zida bu bemorlarga qo‘llanilganda, terapevtik ta’sir bermaydi", - dedi Aleksandr Butenko.
U shuningdek, tajriba vaqtida, preparat namunalarga zaharli ta’sir ko‘rsatmaganiga alohida e’tibor qaratdi.
"Demak, bu sitotoksik emas, ya’ni hujayralar undan haloq bo‘lmaydi. Bu dalda beruvchi ma’lumot, demak, davolash maqsadida odamlarda qo‘llash uchun salohiyatli ekanligini anglatadi. Endi biz uning qanchalik samarador ekanligini tushunishimiz kerak, klinik tadqiqotlar kerak. Ba’zida shunday bo‘ladiki, hujayralarda yaxshi natija ko‘rsatgani bilan bemorlarni davolashda ba’zi sabablarga ko‘ra, natija bermaydi", - deya ogohlantiradi Aleksandr Butenko.
Butunjahon sog‘liqni saqlash tashkiloti 11-mart kuni o‘tgan yil dekabr oyida Xitoyning Uxan shahrida qayd etilgan SARS-CoV-2 virusi (COVID-19 qo‘zg‘atuvchisi) tarqalishini pandemiya, deb e’lon qildi. Tashkilot ma’lumotlariga ko‘ra, bugungi kunda dunyo bo‘yicha 1,3 milliondan ortiq odam koronavirusga chalingan.
