13:43 01 Iyun 2020
Efir
  • RUB121.10
  • EUR10637.67
  • USD9554.22
Jamiyat
Havola olish
146 0 0

Jahon banki Oʻzbekistonga COVID-19 oqibatlarini yumshatish uchun 200 million dollar ajratdi. Ushbu mablagʻ sogʻliqni saqlash va ijtimoiy himoya tizimini kuchaytirish uchun yoʻnaltiriladi.

TOSHKENT, 1 may - Sputnik. Jahon bankining mablagʻlari soliq tushumlarining sezilarli darajada pasayishi va COVID-19 taʼsiriga qarshi choralar uchun xarajatlarning kutilmagan darajada koʻpayishi sharoitida davlat byudjetini toʻldiradi, deya xabar beradi moliya instituti sayti.

Jahon bankining Ijrochi direktorlar kengashi bugun pandemiya jiddiy zarar yetkazgan sogʻliqni saqlash, ijtimoiy va iqtisodiy sohalarni qoʻshimcha moliyalashtirish uchun 200 million dollar ajratishni maʼqulladi.

Buning oqibatlarini yumshatish uchun Oʻzbekiston hukumati sogʻliqni saqlash, ijtimoiy himoyani kengaytirish va biznesni qoʻllab-quvvatlash uchun qoʻshimcha ragʻbatlantiruvchi inqirozga qarshi choralar majmuini eʼlon qildi.

"Ushbu operatsiya doirasida Jahon banki tomonidan taqdim etilayotgan qoʻshimcha moliyalash, virusning tarqalishini kamaytirish, odamlarning azoblanishini yengillashtirish va Oʻzbekistondagi inqirozning iqtisodiy oqibatlarini minimallashtirishga qaratilgan hukumatning inqirozga qarshi choralarini qoʻllab-quvvatlashga yordam beradi", - dedi Xideki Mori, Bankning Oʻzbekistondagi mintaqaviy menejeri.

Ushbu moliyalashtirish Jahon banki tomonidan 2020 yil aprel oyida tasdiqlangan COVID-19 inqirozining oqibatlarini tezda bartaraf etish doirasida sogʻliqni saqlash va ijtimoiy himoya tizimini mustahkamlash uchun 95 million dollarlik yordam paketini toʻldiradi.

Eslatib oʻtamiz, 7 aprel kuni Investitsiyalar va tashqi savdo vazirligi sogʻliqni saqlash tizimi, ijtimoiy himoya institutlari va muassasalari va byudjetni qoʻllab-quvvatlash uchun 1,2 milliard dollar miqdorida mablagʻlarni operativ ajratish masalasi faol oʻrganilayotgani haqida xabar bergan edi.

Unda Oʻzbekiston Respublikasi Bosh vazirining oʻrinbosari, Investitsiyalar va tashqi savdo vaziri Sardor Umurzoqov va Jahon bankining vitse-prezidenti Siril Myuller videokonferentsiyada formatida pandemiyaning mamlakatdagi ijtimoiy-iqtisodiy vaziyatga taʼsirini yumshatish uchun bank tomonidan qoʻllab-quvvatlash mexanizmlarni muhokama qildilar.

Asosiy mavzular