20:33 04 Iyun 2020
Efir
  • RUB121.10
  • EUR10637.67
  • USD9554.22
Jamiyat
Havola olish
121510

Oʻzbekistonda koronavirusni yenggan kishilar soni 1212 nafarga yetdi. bu kasallanganlarning 58 %ini tashkil qiladi.

TOSHKENT, 1 may— Sputnik. Sputnik tahririyati koronavirus epidemiyasi boʻyicha Oʻzbekistonda 1 may soat 18:00 holatiga kunining eng muhim maʼlumotlarni jamladi. 

Bemorlar soni 

1 may soat 18:00 da Oʻzbekistonda 2075 nafar koronavirus yuqtirganlar aniqlandi. Sunggi bir sutka davomida bemorlar soni 29 nafarga oshgan. 

Tuzalganlar 

Sogʻliqni saqlash vazirligi xabariga koʻra, 1 may kuni Fargʻona, Toshkent, Samarqand va Qashqadaryo viloyatlarida jami  79 nafar bemor tuzalgan. Qashqadaryo viloyatida bemorlar qolmagan. Tuzalganlar orasida Qirgʻiziston fuqarolari va bir nafar 81 yoshli qariya ham bor. Shunday qilib Oʻzbekistonda koronavirusni yenggan kishilar soni 1212 nafarga yetdi, bu kasallanganlarning 58 %ini tashkil qiladi. 

Kasallik choʻqqisidan oʻtdik

Oʻzbekistonda kasallik choʻqqisidan oʻtdi, kasallanganlar soni kamayishi kuzatilmoqda, dedi Sputnik muxbiriga Sogʻliqli saqlash vazirligi huzuridagi Karantinli va oʻta xavfli yuqumli kasalliklar laboratoriyasi rahbari Marufjon Madaminov. Mutaxassis fikriga koʻra, hozirgi kunda kasallik yuqish holatlari aholi soni koʻp boʻlgan Toshkent, Buoro, Samrqand va Fargʻona vodiysida uchramoqda.

COVID-19 dan soʻng 

Bugun Toshkentda koronavirus bilan kasalib tuzalgan 24 yoshli ayolda bolakay tugʻildi. Bolaning vazni 3150 gram, boʻyi- 52 sm. Onasi kasal boʻlishiga qaramasdan bolakay sogʻlom va oʻzini yaxshi his qilmoqda. Ona va bola shifokorlar nazorati ostida. 

Koronavirusning ikkinchi toʻlqini 

Jahon sogʻliqni saqlash tashkiloti vakili Melita Vuynovich aytishiga qaraganda, ushbu virus bilan insoniyat ilk bor duch kelayotgani sababli, immunitet juda kam kishilarda paydo boʻlgan. Shu sababli "vaktsina yaratilguniga qadar insoniyat epidemiyaning ikkinchi toʻlqinining oldini ola olmasligi mumkin", - dudi Vuynovich. Aksariyat ekspertlar uning fikriga qoʻshilmoqda. 

OTB 

Osiyo taraqqiyot banki epidemiya tufayli Markaziy Osiyoda "misli koʻrilmagan iqtisodiy inqiroz"yuz berishi bashorat qildi. bank mutaxassislari fikriga koʻra, Oʻzbekiston hukumati ushbu vaziyatda iqtisodiyotni qoʻllab-quvvatlash qatiy choralar qabul qilishi kerak. 

Jahon banki yordami 

Jahon banki COVID-19 pandemiyasini yengib oʻtish uchun Oʻzbekistonga 200 million dollar qoʻshimcha yordam koʻrsatishini eʼlon qildi. Ushbu mablagʻlar aprel oyda ajratilgan 95 mln $ yordamga qoʻshimcha boʻladi va sogʻliqni saqlash hamda ijtimoiy himoya tizimini kuchaytirish uchun yoʻnaltiriladi. 

Turkiya yordami 

Turkiya xalqaro hamkorlik agentligi (TIKA) Oʻzbekiston shifokorlari uchun 5 ming komplekt himoya vositalarini begʻaraz yetkazib berdi. Himoya vositalari tarkibiga kombinezon, koʻzoynak, niqob, qoʻlqop va baxillalar kiradi. Insonparvarlik yordami tibbiy muassasalar orasida taqsimlanadi. 

Dunyoda 

1 may 18:00 holatiga koʻra butun dunyoda koronavirusga chalinganlar soni 3,25 mln. kishini tashkil qilmoqda. Vafot etganlar jami soni 233 mingdan oshib ketgan. Statistik maʼlumotlarga koʻra, dunyo mamlakatlarda eng koʻp kasallanganlar soni va vafot etganlar AQShda: 

1. AQSH 1 mln.dan ortiq kasallanganlar va ulardan 5,89 % (63 ming kishi) vafot etgan. 2. Ispaniya - 212 ming, vafot etganlar ulushi 11,5%. 3. Italiyada - 207 ming va 13%, 4. Buyuk Britaniya - 177 ming va 15%. 5. Germaniya - 160 ming va 4%. 6. Frantsiya 130 ming va 18% (!). 7. Turkiya - 120 ming va 2,64%. 8. Rossiya - 114 ming va 1%.    

Xushxabar shundan iborat-ki, bugungi kun holatiga dunyo boʻyicha kasallikni yengganlar soni 1 mln kishidan oshgan. 

Asosiy mavzular