23:23 30 May 2020
Efir
  • RUB121.10
  • EUR10637.67
  • USD9554.22
Jamiyat
Havola olish
48810

Oʻzgidromet xabariga koʻra, 4-7 may kunlari respublikaning togʻoldi va togʻli hududlarida sel kelishi xavfi bor.

TOSHKENT, 4 may — Sputnik. 4-6 may kunlari Oʻzbekiston hududiga Turkmaniston orqali Kaspiy dengizining janubiy rayonlari ustida shakllangan nam havo oqimi kiradi. Bu haqda Oʻzgidromet xabar qilmoqda.

4 mayda Xorazm, Buxoro, Navoiy viloyatlarida yomgʻir, ayrim joylarga kuchli yomgʻir yogʻishi kutilmoqda, momaqaldiroq boʻlishi mumkin. Qashqadaryo, Samarqand viloyatlarida kechga borib yomgʻir yogʻadi, momaqaldiroq boʻlishi mumkin. Respublikaning qolgan hududlarida yogʻingarchilik boʻlmaydi.

5 mayda respublikada ayrim joylarga yomgʻir, kuchli yomgʻir yogʻishi kutilmoqda, momaqaldiroq boʻlishi mumkin. Andijon, Namangan, Fargʻona viloyatlarida kechga borib yomgʻir yogʻishi, momaqaldiroq boʻlishi kutilmoqda. Qoraqalpogʻistonda, Xorazm viloyatida yogʻingarchilik boʻlmaydi.

6 mayda Toshkent, Samarqand, Jizzax, Sirdaryo, Andijon, Namangan, Fargʻona viloyatlarida ayrim joylarga yomgʻir, kuchli yomgʻir yogʻadi, momaqaldiroq boʻlishi mumkin. Respublikaning qolgan hududlarida yogʻingarchilik boʻlmaydi.

4-6 mayda shamolning tezligi 15-20 m/s gacha kuchayishi, shamol shiddati 23-28 m/s gacha yetishi mumkin.

4-7 may kunlari respublikaning togʻoldi va togʻli hududlarida sel kelishi xavfi bor.

Asosiy mavzular