03:19 26 Sentyabr 2020
Efir
  • RUB136.28
  • EUR12210.60
  • USD10315.62
Jamiyat
Havola olish
95110

Rossiya tashqi ishlar vaziri, hukumat pandemiya vaqtida migrantlarga hujjatlarni rasmiylashtirish va patent toʻlovlari boʻyicha imtiyozlar taqdim etayotganini aytib oʻtdi.

TOSHKENT, 13 may - Sputnik. Rossiya Federatsiyasi hududida koronavirus tufayli mehnat migratsiyasiga nisbatan hech qanday cheklovlar joriy qilinmadi, SHHT doirasida ham bu yoʻnalishda hech qanday oʻzgarishlar boʻlmadi, dedi tashqi ishlar vaziri Sergey Lavrov, SHHT vazirlari onlayn majlisida.

"Biz mehnat migratsiyasiga hech qanday cheklovlar joriy qilmadik. Biz uyiga yuborilishini xohlagan odamlarning yagona guruhi - Rossiya Federatsiyasida boʻlish qoidalarini qoʻpol ravishda buzgan migrantlar, ular unchalik koʻp emas. Biz ularni asta-sekin uylariga, biz bilan qoʻshni davlatlarga, joʻnatayapmiz", - dedi Lavrov SHHTga aʼzo davlatlar tashqi ishlar vazirlarining onlayn uchrashuvidan keyin oʻtkazilgan matbuot anjumanida.

Tashqi ishlar vazirining soʻzlariga koʻra, mehnat muhojirlarning aksariyatidan Rossiyani tark etishni soʻralmayapti. Undan tashqari Rossiya hukumati migranlarga patent rasmiylashtirish, ishlashga ruxsatnomalarni uzaytirish va boshqa byurokratik muammolarni hal qilishni yengillashtiruvchi qaror qabul qilinganini eslatdi. 

"Shuning uchun, biz tomondan mehnat migratsiyasidan foydalanish yondashuvida hech qanday oʻzgarishlar boʻlmadi. Men ham SHHTga aʼzo mamlakatlarning qonunchiligi va yondoshuvlaridagi oʻzgarishlar toʻgʻrisida hech narsa eshitmadim", - deya qoʻshimcha qildi vazir.

Eslatib oʻtamiz, bugungi kunda Rossiyada koronavirusga chalinganlar soni 245 mingdan oshib ketgan. Har kuni kasallikka chalinayotganlar soni 11 mingga yaqin. Vafot etganlar soni 2 212 kishini tashkil qilgan. 

Dunyoda toʻrt milliondan ortiq infektsiyaga chalinish qayd etilgan, 283 mingdan ortiq odam vafot etdi.

Oʻzbekistonda kasallanganlar soni 2568 kishi, ulardan 2046 nafari davolandi. 10 kishi vafot etdi.

Asosiy mavzular