20:37 04 Iyun 2020
Efir
  • RUB121.10
  • EUR10637.67
  • USD9554.22
Jamiyat
Havola olish
385 0 0

Oʻzbekistonda 18 maydan boshlab mamlakat ichidagi avia va temir yoʻl bogʻlanmasi qisman tiklanadi, batafsil quyida tanishing.

TOSHKENT, 15 may - Sputnik. 18 maydan boshlab Oʻzbekiston hukumati COVID-19 koronavirusining tarqalishiga qarshi karantin choralarini yumshatish doirasida Toshkent va mamlakat mintaqalari oʻrtasidagi transport bogʻlanmalarini tiklaydi. Respublika maxsus komissiyasi xabariga asosan.

2020 yil 18 may kunidan boshlab quyidagi shaharlararo qatnovlarga ruxsat beriladi:

  • Toshkent shahridan Nukus, Urganch, Termiz shaharlariga aviaqatnovlarni (borish va qaytish) tiklash;
  • Toshkent shahridan Navoiy, Buxoro, Qarshi shaharlariga “Afrosiyob” tezyurar poyezdi hamda Fargʻona vodiysiga temir yoʻl qatnovini (borish va qaytish) qayta yoʻlga qoʻyish.

Shu bilan birga avia va temir yoʻl qatnovlarini tashkil etishda barcha karantin qoidalariga amal qilish, shu jumladan, yoʻlovchilar sonini kamaytirish, dezinfektsiya qilish va boshqa sanitariya talablari soʻzsiz bajarilishi talab etiladi.

Respublika maxsus komissiyasi tomonidan Karantin davrida mahalliy yoʻnalishlarda avia va temir yoʻl qatnovlarini yoʻlga qoʻyishning Vaqtinchalik tartibi tasdiqlandi.

Avvalroq, Maxsus komissiya respublikada karantin rejimining 1 iyungacha uzaytirilishini eʼlon qildi, ammo baʼzi cheklovlar olib tashlandi.

Asosiy mavzular