14:03 09 Avgust 2020
Efir
  • RUB137.46
  • EUR12021.09
  • USD10209.86
Jamiyat
Havola olish
7310

Loyihaning maqsadi — oʻqitishning yangi usullarini joriy etish, maktab-internatlar infratuzilmasini takomillashtirish.

TOSHKENT, 1 iyun — Sputnik. Xalqaro bolalarni himoya qilish kunida “Zamin” fondi mamlakatning ixtisoslashtirilgan muassasalaridagi besh ming nafarga yaqin eshitish qobiliyati zaif oʻquvchilar uchun taʼlimni rivojlantirish dasturini taqdim etdi.

Loyihaning maqsadi — oʻqitishning yangi usullarini joriy etish, maktab-internatlar infratuzilmasini takomillashtirish.

“Loyiha doirasida jarrohlik amaliyoti yoʻli bilan oʻquvchilarning eshitish qobiliyatini tiklash ustida ish olib boriladi. Bu degani, sogʻligʻida muammosi boʻlgan bolalar mehribon onajonisi, gʻamxoʻr otasining ovozlarini, atrof-borliqdagi tovushlarni, musiqa ohanglarini eshita oladi, toʻlaqonli hayot kechiradi”, — dedi Fond vasiylik kengashi raisi Ziroat Mirziyoyeva.

Dastur uch bosqichdan iborat:

1. Ixtisoslashtirilgan maktab-internatlarni zamonaviy assistiv uskunalar bilan jihozlash

Maktablar xalqaro standartlarga javob beradigan zamonaviy assistiv (qoʻshimcha) uskunalar, jumladan, guruh mashgʻulotlari uchun audio-sinflar, individual mashgʻulotlar uchun nutq simulyatorlari, kelgusi taʼlim jarayonida foydalaniladigan audiometrlar va statsionar ovoz kuchaytirgichlari bilan jihozlanadi.

2. Oʻqitish usullarini takomillashtirish

Eshitish qobiliyati zaif bolalar maxsus maktablaridagi joriy oʻquv dasturlarini har tomonlama tahlil qilish rejalashtirilgan. Buning uchun loyiha tashkilotchilari Oʻzbekiston Xalq taʼlimi vazirligi bilan hamkorlikda yetakchi xalqaro ekspertlik institutlari va ularning mutaxassislarini jalb qiladilar. Ixtisoslashtirilgan maktablarda zamonaviy yordamchi texnologiyalardan foydalangan holda taʼlim metodikalari joriy etiladi.

3. Maktab yoshidagi bolalar uchun koxlear implantatsiya

Dasturning muhim qismi har yili 30 nafar maktab yoshidagi bolalarga koxlear implantatsiya jarrohlik amaliyotini bepul oʻtkazish boʻladi. Shuningdek, ushbu bosqich keyingi reabilitatsiyani oʻz ichiga oladi.

Asosiy mavzular