21:28 12 Iyul 2020
Efir
  • RUB142.48
  • EUR11455.78
  • USD10184.73
Jamiyat
Havola olish
1050 0 0

Bugunning oʻzida 22 nafar bemor tuzalib, reabilitatsiyaga kuzatildi. Respublika boʻylab jami sogʻayganlar soni 2 859 nafarga yetdi.

TOSHKENT, 1 iyun — Sputnik. Sputnik Oʻzbekiston respublikada koronavirus bilan bogʻliq boʻlgan asosiy xabarlarni toʻpladi.
Bir sutka davomida 50 kishida koronavirus aniqlandi, oxirgi maʼlumotlarga koʻra, Oʻzbekistonda koronavirus infektsiyasi qayd etilganlar soni 3 673 nafarni tashkil qilmoqda.

Davolanish koʻrsatkichi

Bugunning oʻzida 22 nafar bemor tuzalib, reabilitatsiyaga kuzatildi. Jami sogʻayganlar soni 2 859 nafar.

Ayni paytda 799 nafar bemorga belgilangan standartlar boʻyicha davo choralari koʻrilmoqda. Ahvoli ogʻir —  8 nafar. Oʻta ogʻir — 1 nafar.

Bozordagi yangi holat

“Oʻrikzor"dagi yana bir sotuvchi va Yunusoboddagi doʻkon sotuvchisi, ularning oila aʼzolarida koronavirus aniqlangan. Jumladan, "Oʻrikzor" savdo majmuasida doʻkon sotuvchisi va uning qizida, shuningdek, sotish uchun mahsulotlarni ushbu savdo majmuasidan olib, Yunusobod tumanida joylashgan doʻkonida faoliyat koʻrsatuvchi sotuvchi va uning turmush oʻrtogʻida ham  koronavirus tasdiqlangan.

Xorijiy davlatlardan yordam

Xitoy Oʻzbekistonga navbatdagi umumiy ogʻirligi 21,5 tonnadan (tibbiy kombinezonlar, KN95 niqoblari va qoʻlqoplar) iborat boʻlgan insonparvarlik yordamini yubordi.  

Shuningdek, Oʻzbekistonning Seuldagi elchixonasi tomonidan jalb etilgan 97 ming 240 dollar miqdoridagi insonparvarlik yordami Toshkentga yetib boradi.

Yordam roʻyxatidan zamonaviy shpritsli nasoslar, 15 ming qadoqda antiseptik vositalar, 12 dona tibbiy krovat va avtomatik mexanizmga ega boʻlgan koʻp funktsiyali koʻrpalar joy olgan.

Stikersiz harakatlanish

Bugundan boshlab Samarqand shahri hududi boʻylab stikersiz harakatlanishga ruxsat beriladi. 

Qayd etilishicha, avtotransport vositalarining maxsus ruxsatnomasiz (stikersiz) harakatlanishiga faqatgina kunning muayyan vaqtida (07:00 dan – 10:00 gacha, 17:00 dan – 20:00 gacha) ruxsat beriladi.

Fuqarolar avtotransportda ish joyiga borib-kelishi, tibbiy buyumlar, dori vositalari, oziq-ovqat va birinchi galdagi mahsulotlarni xarid qilish uchun harakatlanishi kerak.

Dunyo salomatligi

COVID-19 dunyoning deyarli barcha davlatga yetib bordi. BSSTning soʻnggi maʼlumotlariga koʻra, dunyoda yangi koronavirus infektsiyasini yuqtirib olgan kishilarning soni 5,9 milliondan oshdi, 367 ming kishi vafot etdi.

Asosiy mavzular