02:07 29 Sentyabr 2020
Efir
  • RUB136.28
  • EUR12210.60
  • USD10315.62
Jamiyat
Havola olish
812 0 0

Bugun yana 96ta koronavirus holati qayd etildi. Ularning aksariyati Karantin markazidagi fuqarolarda aniqlangan.

TOSHKENT, 12 iyun - Sputnik. Oʻtgan sutka davomida Oʻzbekistonda 96ta koronavirusga chalinganlar aniqlandi, deb xabar bermoqda Sogʻliqni saqlash vazirligi.

Oʻzbekistonda 12 iyun soat 16:30da holatiga kasallikka chalinganlar soni 4837 nafarni tashkil qildi.

Yangi kasallarning asosiy qismi - 66 nafari Karantin markazidagi fuqarolar orasida, 16 nafari Toshkent shahrida, 5 nafari Sirdaryo viloyatida, 5 nafari Buxoro viloyatida hamda 2 nafari Samarqand viloyati Urgut tumanida aholi orasida aniqlangan.

Undan tashqari Chinoz xalqaro chegara postida Litvadan kirib kelgan 2 nafar xalqaro yuk tashuvchi avtomobillar haydovchisida aniqlangan, - deyilgan xabarda.

Ayni damda Oʻzbekistonda koronavirusdan sogʻayib ketganlar soni 3637 nafarni tashkil qilgan. Bu infektsiyaga chalinganlarning75 % ni tashkil qilmoqda. Davolanishda davom etayotgan fuqarolar soni 1163 kishini tashkil qilmoqda, ulardan 12 nafari ogʻir, 2 nafari esa oʻta ogʻir ahvolda.

Rossiyada koronavirusga chalinganlar soni 511 mingdan oshib ketdi. Vafot etganlar soni 6700 kishidan oshgan. Rossiya Kuni munosabati bilan nutq soʻzlagan prezident Vladimir Putin "koronavirus tufayli dunyoda vujudga kelgan vaziyatda insoniyat shifokorlarning oʻrni naqadar muhim ekaniga amin boʻldi. Biz ularning fidokorna mehnati oldida tiz choʻkishimiz kerak" dedi. 

Dunyoda bugungi kunda koronavirusga chalinganlar soni 7,6 million kishidan oshib ketgan. Kasallanganlar orasida oʻlimlar soni koʻp boʻlgan davlatlar AQSH, Buyuk Britaniya, Belgiya, Frantsiyada kuzatilmoqda. 

Italiyalik virusolog Massimo Klementi aytishiga qaraganda - COVID-19 bugun ancha zaiflashgan.Italiyalik olimlar oʻtkazgan tadqiqotda bugungi kunda virus bosimi (maʼlum hajmdagi suyuqlikda faol viruslar soni) epidemiya boshlanish vaqtiga nisbatan 10 baravar kamaygan.   

Moskva shahri meriyati oʻtkazgan tadqiqotda aniqlanishiga qaraganda ikki hafta ichida shahar aholisining koronavirusga qarshi immuniteti 5 %ga oshgan. May oyning boshida organizmida koronavirusga qarshi antitelalar boʻlgan aholi ulushi 12%ni tashkil qilgan boʻlsa, bugungi kunda ularning soni 17%ni tashkil qilmoqda

 

Asosiy mavzular