"KommersantЪ" nashri yozishicha, AQSh Davlat kotibi Maykl Pompeo va Markaziy Osiyoning besh davlatidagi hamkasblari o‘rtasidagi muzokaralardan so‘ng, AQSh Davlat departamenti AQShning Markaziy Osiyo respublikalariga ta’sir o‘tkazish uchun Moskva bilan raqobat qilmasligini ko‘rsatdi. Xususan, AQSh Davlat departamenti O‘zbekiston va Yevroosiyo iqtisodiy ittifoqi o‘rtasidagi hamkorlikka qarshi emas.
Siyosat va boshqaruv departamenti (NIU VShE) katta o‘qituvchisi Grigoriy Lukyanov AQSh Davlat departamenti tomonidan bir necha bor Yevrosiyo integratsiyasining istiqbollari va ayrim davlatlarining, shu jumladan Markaziy Osiyoning YeOIIdagi ishtirokiga shubha bilan qaraganini eslatdi.
“Menimcha, hozirgi sharoitda pozitsiya tubdan o‘zgarmadi. O‘zbekiston YeOIIda kuzatuvchi davlat sifatida ishtirok etmoqda. O‘ylaymanki, AQSh avvalgidek, hozirgi paytda avj olib borayotgan postsovet hududidagi integratsiya subyektlari bilan yaqinlashish jarayoni yaqin orada susayishini kutmoqda. Bu sharoitda AQSh yana bir bor "Biz aytgandik-ku", deya aytishi mumkin. Shuning uchun ular odatda kutilganidan ham nozikroq o‘yin olib borishadi. Ular rasmiy siyosiy munozaralarda O‘zbekiston rahbariyatiga jiddiy ma’naviy bosim o‘tkazmaydilar. Kutishadi va vaziyatni kuzatib borishadi”, - dedi ekspert.
Mutaxassisning batafsil izohini Sputnik podkastida tinglashingiz mumkin.
