22:25 03 Avgust 2020
Efir
  • RUB142.37
  • EUR11896.04
  • USD10207.69
Jamiyat
Havola olish
COVID-19 umumjahon pandemiyasi (1051)
668 0 0

Bugunning oʻzida 138 nafar bemor tuzalib, reabilitatsiyaga kuzatildi. Respublika boʻylab jami sogʻayganlar soni 6 584 nafarga yetdi.

TOSHKENT, 6 iyul — Sputnik. Sputnik Oʻzbekiston respublikadagi epidemiologik vaziyat toʻgʻrisida asosiy xabarlarni toʻpladi.

Bir sutka davomida 321 kishida koronavirus aniqlandi, Oʻzbekistonda koronavirus infektsiyasi qayd etilganlar soni 10 284  nafarni tashkil qilmoqda.

Yangi kasallanish holatlarining 118 nafari Toshkent shahrida (shundan 46 nafari koronavirusga chalinganlar bilan muloqotda boʻlib, karantinga olingan fuqarolar orasida, 72 nafari aholi orasida), 20 nafari Andijon viloyatida xorijdan kirib kelgan va karantinga olingan fuqarolar orasida, 3 nafari Fargʻona viloyatida aholi orasida aniqlangan.

Davolanish koʻrsatkichi

Bugunning oʻzida 138 nafar bemor tuzalib, reabilitatsiyaga kuzatildi. Respublika  boʻylab jami sogʻayganlar soni 6 584 nafarga yetdi.

Ayni paytda 3 664 nafar bemorga belgilangan standartlar boʻyicha davo choralari koʻrilmoqda. Davolanayotgan bemorlarning 8 nafari – oʻta ogʻir ahvolda. 25 nafarining ahvoli ogʻir, 285 nafari –  oʻrta ogʻir, 3206 nafari – qoniqarli holatda. Bemorlarning 172 nafarida pnevmoniya kuzatilyapti.

Hududlar toifalari

Respublika maxsus komissiyasining 2020 yil 29 maydagi yigʻilish bayonida belgilangan vazifalardan kelib chiqib, joriy yil 20 iyun holatiga Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan kiritilgan takliflar, bemorlarni butunlay sogʻayishi hamda epidemik vaziyatni eʼtiborga olgan holda tuman (shahar)larning toifalari oʻzgartirildi.

Respublikadagi 28 ta tuman va shaharlar “qizil” hududga, 57 tasi “sariq” hududga, 118 ta tuman va shaharlar esa “yashil” hudud toifasiga kiritilgan. Bu haqda batafsil.

Oʻlim holatlari

Toshkent shahri Olmazor tumanida yashovchi 67 yoshli L.M. (erkak kishi) oʻtkir yurak qon-tomir va nafas yetishmovchiligidan vafot etdi.

Toshkent shahri Olmazor tumanida yashovchi 67 yoshli L.M. (erkak kishi) joriy yil 26 iyundan tomogʻida ogʻriq, tana harorati koʻtarilgan, ammo shifokorga murojaat qilmasdan uyida davolangan. 1 iyul kuni esa yoʻtali kuchayib, nafas siqishi belgilari paydo boʻlgach, tez yordam chaqirgan va tez tibbiy yordam mashinasida Toshkent shahar 2-son yuqumli kasalliklar shifoxonasiga olib borilgan.

Bundan tashqari, Uchtepa tumanida yashovchi A. (erkak kishi) oʻtkir nafas va yurak  qon -tomir yetishmovchiligidan vafot etdi.

Bemor bir necha kun davomida tana haroratining koʻtarilishi, tomogʻida ogʻriq va holsizlik boʻlishiga qaramasdan shifokorlarga oʻz vaqtida murojaat qilmasdan, uy sharoitida davolanib yurgan. 2 iyul kuni Respublika ixtisoslashtirilgan Ftiziatriya va pulmonologiya ilmiy-amaliy tibbiyot markazida tibbiy koʻrikdan oʻtgan va tekshiruv natijasiga koʻra, pulmonolog tavsiyasiga asosan Toshkent shahar tez tibbiy yordam klinik shifoxonasiga yuborilgan.

43 yoshli  bemorga “Ikki tomonlama pnevmoniya, oʻtkir nafas yetishmovchiligi 2-daraja, semizlikning  3-darajasi” tashxisi qoʻyilgan. Unda koronavirus infektsiyasi ham aniqlangan.

Dunyo salomatligi

Soʻnggi maʼlumotlarga koʻra, infektsiyani yuqtirib olgan kishilarning soni 11,4 milliondan oshdi, 534 ming kishi vafot etdi. Eng koʻp holatlar AQShda (2,9 mln), Braziliyada (1,6 mln), Hindistonda (697 ming).

Mavzu:
COVID-19 umumjahon pandemiyasi (1051)

Asosiy mavzular