01:40 30 Oktyabr 2020
Efir
  • RUB136.11
  • EUR12285.78
  • USD10359.88
Jamiyat
Havola olish
119 0 0

Sardor Umurzakov Koreya TIV rahbari bilan Koreyaning koronavirusga qarshi ilgʻor amaliyotini Oʻzbekistonda joriy etish istiqbollari muhokama qildi.

TOSHKENT, 7 iyul — Sputnik. Oʻzbekiston bosh vazirining oʻrinbosari – investitsiyalar va tashqi savdo vaziri Sardor Umurzakov Koreya tashqi ishlar vaziri Kan Gyon Xva bilan uchrashdi.

Investitsiyalar va tashqi savdo vazirligi matbuot xizmati xabariga koʻra, bu Oʻzbekiston hukumati delegatsiyasining Seul shahriga tashrifi davomida amalga oshirilgan.

“Jahon sogʻliqni saqlash tashkiloti tomonidan dunyoda koronavirus tarqalishiga qarshi kurash boʻyicha eng katta muvaffaqiyatga erishgan davlatlardan biri sifatida eʼtirof etilgan Koreyaning bu boradagi ilgʻor amaliyotini Oʻzbekistonda joriy etish istiqbollari muhokama qilindi”, - deyilgan xabarda.

Jumladan, pandemiyaga qarshi kurashda xalqaro saʼy-harakatlarni birlashtirish va muvofiqlashtirishga kelishildi.

Bundan tashqari, hukumat va vazirlar darajasida ikki tomonlama tadbirlarni tashkil etish bilan bogʻliq masalalar muhokama qilindi. Ular orasida Oʻzbekiston va Koreya bosh vazirlari oʻrinbosarlarining 3-yigʻilishi, tashqi ishlar vazirliklari oʻrtasida siyosiy maslahatlashuvlar va savdo-iqtisodiy hamkorlik boʻyicha Oʻzbekiston-Koreya hukumatlararo qoʻmitasining navbatdagi 10-yigʻilishi, shuningdek, ikki mamlakat ishbilarmon doiralari ishtirokidagi biznes – forumi ham bor.

Teglar:
koronavirus, Janubiy Koreya, Oʻzbekiston

Asosiy mavzular