22:14 29 Oktyabr 2020
Efir
  • RUB136.11
  • EUR12285.78
  • USD10359.88
Jamiyat
Havola olish
164 0 0

Shavkat Mirziyoyev yangi xarid qilinayotgan tez tibbiy yordam avtomobillari faoliyatiga daromadsiz qolgan malakali haydovchilarni jalb etish vazifasini qoʻydi.

TOSHKENT, 20 iyul — Sputnik. Oʻzbekistonda iqtisodiyotning turli sohalaridan daromadsiz qolgan malakali haydovchilar tez tibbiy yordam avtomobillari faoliyatiga jalb etiladi. Bu haqda prezident oʻtkazgan yigʻilishda maʼlum qilindi.

“Shuningdek, yangi xarid qilinayotgan tez tibbiy yordam avtomobillari faoliyati uzluksizligini taʼminlash maqsadida iqtisodiyotning turli sohalaridan, birinchi navbatda, faoliyati toʻxtatilishi oqibatida daromadsiz qolgan yoʻlovchi tashuvchi jamoat transporti uyushmalarining malakali haydovchilari jalb etilishi yuzasidan vazifalar qoʻyildi”, - deyilgan prezident matbuot xizmati xabarida.

Barcha sektor rahbarlari ish kunini ertalabdan oʻz hududlarida kasalxonalardagi ahvolni oʻrganish bilan boshlashi qatʼiyan belgilandi.

“Har bir rahbar bugungi kunda fuqarolarimizning sogʻligini saqlab qolishdan muhim vazifasi yoʻqligini anglashi shart”, - dedi Shavkat Mirziyoyev.

Kasallik oʻchogʻida oʻz jonini garovga tikib har bir kasalni oʻlim yoqasidan olib chiqayotgan shifokorlarimizni davlat mukofoti bilan taqdirlash boʻyicha takliflar kiritish topshirigʻi berildi.

Asosiy mavzular