O‘zbekistonda pedagoglar faoliyatiga aralashganlik uchun jarima belgilandi

© Sputnik / Pavel Lisisin / Mediabankka o‘tishUchitelnitsa nachalnix klassov proverayet shkolnie tetradi vo vremya karantina
Uchitelnitsa nachalnix klassov proverayet shkolnie tetradi vo vremya karantina - Sputnik O‘zbekiston
Obuna bo‘lish
"O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida" Qonun prezident tomonidan imzolandi.

TOShKENT, 22-iyul - Sputnik. O‘zbekiston prezidenti imzolagan qonunga muvofiq, endilikda o‘qituvchilar faoliyatiga aralashganlik uchun javobgarlik belgilanadi, deb xabar qilindi Adliya vazirligi telegram kanalida.

Uchitelnitsa sredney shkoli. Arxivnoe foto - Sputnik O‘zbekiston
O‘qituvchilar qog‘ozbozlik ishlaridan ozod qilindi

Qonun bilan qator qonunlar va kodekslarga tegishli o‘zgartish va qo‘shimchalar kiritildi. Xususan, "Ma’muriy javobgarlik to‘g‘risida"gi kodeks 197⁵ - modda bilan to‘ldirildi.

Unga ko‘ra, ta’lim muassasalari pedagog xodimining kasbiy faoliyatiga qonunga xilof ravishda aralashish yoki ta’lim muassasasi pedagog xodimining xizmat vazifalarini bajarishga to‘sqinlik qilish javobgarlikka sabab bo‘lishi belgilandi.

Bunday huquqbuzarlik uchun:

- fuqarolarga bazaviy hisoblash miqdorining (BHMning) 5 baravaridan 7 baravarigacha (1 mln 115 ming so‘mdan 1 mln 561 ming so‘mgacha);

- mansabdor shaxslarga esa BHMning 7 baravaridan 10 baravarigacha miqdorida (1 mln 561 ming so‘mdan 2 mln 230 ming so‘mgacha) jarima qo‘llaniladi.

Shkolniki - Sputnik O‘zbekiston
O‘qituvchilarning ko‘proq qaysi kasallikdan aziyat chekishlari aytildi

Shunday huquqbuzarlik ma’muriy jazo qo‘llanilganidan keyin bir yil davomida takroran sodir etilsa:

- fuqarolarga BHMning 7 baravaridan 10 baravarigacha (1 mln 561 ming so‘mdan 2 mln 230 ming so‘mgacha);

- mansabdor shaxslarga esa BHMning 10 baravaridan 15 baravarigacha miqdorida (2 mln 230 ming so‘mdan 3 mln 345 ming so‘mgacha) jarima qo‘llanishi mumkin.

Ushbu huquqbuzarlik sodir etilganda ta’lim muassasasining pedagog xodimi ma’muriy bayonnoma tuzmasdan o‘z arizasida huquqbuzarning shaxsi, huquqbuzarlik sodir etilgan joy, vaqt va uning mohiyati to‘g‘risidagi ma’lumotlarni hamda boshqa zarur bo‘lgan ma’lumotlarni ko‘rsatgan holda sudga murojaat qilish huquqiga ega.

Yangiliklar lentasi
0