12:44 01 Oktyabr 2020
Efir
  • RUB132.07
  • EUR12003.57
  • USD10321.21
Jamiyat
Havola olish
774 0 0

Oʻzini Dushanbe shahri hokimi deb tanishtirgan yigit universitet dekanidan katta miqdorda pul va inomarkani aldov yoʻli bilan qoʻlga kiritdi

TOSHKENT, 23 iyul - Sputnik. Dushanbeda huquqni muhofaza qilish idoralari xodimlari tomonidan firibgarlikda gumonlanib  25 yashar talaba hibsga olindi, deb xabar beradi Tojikiston IIV matbuot-xizmati. Sputnik Tojikiston xabari asosida.

Vazirlik maʼlumotlariga koʻra, 2011 yilda yigit Tojikiston pedagogika universitetiga oʻqishga kirgan. Ikki yil oʻtgach, talaba oʻqish kontrakti boʻyicha qarzdorligi tufayli talabalar safidan chiqarilgan.

Biroq, yigit tushkunlikka tushmay, hiylani amalga oshirdi. 2017 yilda u fizika-matematika fakulteti dekaniga qoʻngʻiroq qildi va oʻzini Dushanbe hokimi deb tanishtirdi.

Taʼkidlanishicha, ushbu suhbatdan soʻng talaba uchinchi kursga tiklangan.

"U fakultet dekanini Taʼlimni nazorat qilish davlat xizmati boshligʻi lavozimiga tayinlashlariga ishontirdi", - deyiladi Tojikiston IIV xabarida.

Tergovda aniqlashicha, yigit 2018 yil mart va 2020 yil mart oylari oraligʻida bir necha bor oʻzini Dushanbe shahar hokimi deb tanishtirgan. Xususan, u tovlamachilik yoʻli bilan dekandan 18 ming AQSH dollari va chet el avtomobilini qoʻlga kiritgan.

Gumonlanuvchiga nisbatan jinoiy ish ochilgan.

Asosiy mavzular