Toshkentda yordam puli nega barcha qiynalganlarga tarqatilmadi - Mahmudjo‘jayev izohi

© SputnikUzbekskie denejnie znaki - sum
Uzbekskie denejnie znaki - sum - Sputnik O‘zbekiston
Obuna bo‘lish
Ma’lum bo‘lishicha, Toshkent shahriga 25 milliard so‘m mablag‘ ajratilgan. Ushbu mablag‘lar 30 va 31-iyul kunlari moddiy yordam va ko‘makka muhtoj oilalarning ro‘yxatlariga kiritilgan oilalarga tarqatib berilgan

TOShKENT, 1 avg - Sputnik. Toshkentda moddiy yordam pullari faqat "temir daftar"ga kiritilganlarga tarqatildi. Hokimlik matbuot kotibi Furqat Mahmudxo‘jayev ushbu masala yuzasidan izoh berdi.

Natsionalnaya valyuta Uzbekistana — sum - Sputnik O‘zbekiston
O‘zbekistonda ehtiyojmand oilalarga moddiy yordam tarqatiladi

Eslatib o‘tamiz, Vazirlar Mahkamasining koronavirus pandemiyasi davrida aholining ijtimoiy himoyaga muhtoj qatlamlarini yanada qo‘llab-quvvatlash maqsadida farmoyishi qabul qilindi. Unda ehtiyojmand oilalarga 150 mlrd so‘m tarqatilishi belgilab qo‘yilgan.

Uning aytishicha, hukumat farmoyishiga asosan hududlarni kompleks ijtimoiy-iqtisodiy rivojlantirish bo‘yicha sektorlar rahbarlariga 2 kun muddatda ajratilgan mablag‘lar hisobidan O‘zbekiston “Saxovat va ko‘mak” fondi orqali hududdagi ijtimoiy himoyaga muhtoj oilalarga moddiy yordam tarqatilishini ta’minlash vazifasi yuklangan.

"Ushbu vazifaga asosan, Toshkent shahriga 25 milliard so‘m mablag‘ ajratilgan. Ushbu 25 milliard so‘m mablag‘lar 30 va 31-iyul kunlari moddiy yordam va ko‘makka muhtoj oilalarning ro‘yxatlariga kiritilgan oilalarga tarqatib berildi.

Xalq tili bilan aytganda hozir mahallalarda har bir sektor nazoratga olgan moddiy yordam va ko‘makka muhtoj oilalarning ro‘yxatlari "Temir daftar"ga kiritilgan.

Natsionalnaya valyuta Uzbekistana — sum - Sputnik O‘zbekiston
O‘zbekistonga jo‘natilayotgan pul o‘tkazmalar hajmi tiklana boshladi

Afsuski, targ‘ibot-tashviqot ishlari yetarli darajada o‘tkazilmagani, ommaviy axborot vositalarida bu masalani keng yorita olmaganimiz sababli ba’zi fuqarolar orasida ushbu moddiy yordam o‘zini qiynalib qolgan deb hisoblagan barcha odamlarga tarqatiladi, degan xayolga kelingan. "Temir daftar"lar, moddiy yordam va ko‘makka muhtoj oilalarning ro‘yxatlari shaffofligini ta’minlash uchun "Saxovat argas" elektron tizimi shakllangan.

Aynan mana shu tizimga kiritilgan muhtoj oilalarga ko‘mak pullari tarqatilgan. Boshqa masalalar bo‘yicha tuman hokimliklari, sektorlar rahbarlari fuqarolar qabulini o‘tkazib, kimga beriladi, kim qanday muhtoj ekanligi to‘g‘risida amaliy ishlar olib borilmoqda.

Toshkent shahrida "Temir daftar"larga kiritilgan 20 841ta oila ro‘yxati o‘zgarib turuvchandir. Shuning uchun ham tuman hokimliklari, sektorlar rahbarlariga topshiriq berilgan, unda bu ro‘yxatlarni doimiy ravishda yangilab borish ko‘zda tutilgan.

Bu ayniqsa hozir — karantin cheklovlari kuchaygan, ko‘pchilik ishsiz qolgan, ko‘pchilikning yonida mablag‘i qolmagan sharoitida dolzarb. "Saxovat va ko‘mak" fondi orqali yordam bo‘ladigan bo‘lsa, ular "Temir daftar"larga kiritilsa yordam amalga oshiriladi”, — degan Toshkent shahar hokimi matbuot kotibi.

Yangiliklar lentasi
0