03:31 29 Sentyabr 2020
Efir
  • RUB132.07
  • EUR12003.57
  • USD10321.21
Jamiyat
Havola olish
COVID-19 umumjahon pandemiyasi (1169)
888 0 0

Oʻzbekistonda 3 avgust kungi holatga koʻra koronavirus bilan kasallanganlar soni 26 301 nafarga yetgan. Shu bilan birga, ushbu infektsiyaga chalingan bemorlar soni ketma-ket ikkinchi kun kamaygan

TOSHKENT, 4 avg - Sputnik. Koronavirusga qarshi kurash shtabi aʼzosi Habibullo Oqilov AOKA zalida boʻlib oʻtgan matbuot anjumanida 15 avgustdan keyin karantin choralari yumshatiladimi, degan savolga javob berdi.

Eslatib oʻtamiz, iyul oyining oxirida Respublika maxsus komissiyasi qarori bilan Oʻzbekistonda joriy etilgan karantin cheklovlari 15 avgustga qadar uzaytirilgan edi.

Oqilovning qayd etishicha, oldinda hali salkam ikki hafta vaqt bor. Agar shu vaqt davomida pasayish dinamikasi qayd etilsa, karantinni yumshatsa boʻladi.

"Xuddi shu dinamika qayd etilsa, yaʼni oʻtgan kunlarda kasallik qayd etilishi 700 dan oshgan boʻlsa va bugun 513 taga tushgan boʻlsak, keyingi kunlarda 500, 450 qayd etilib, shu raqamlar atrofida kasallik aniqlansa, albatta, 15 avgustdan keyin karantinni yumshatsa boʻladi. Va biz ushbu taklif bilan Respublika maxsus komissiyasiga chiqishimiz mumkin", - deb aytgan Oqilov.

Oʻzbekistonda 3 avgust kungi holatga koʻra koronavirus bilan kasallanganlar soni 26 301 nafarga yetgan. Shu bilan birga, ushbu infektsiyaga chalingan bemorlar soni ketma-ket ikkinchi kun kamaygan.

Mamlakat Sogʻliqni saqlash vazirligi taqdim etgan soʻnggi maʼlumotlarga koʻra, ayni paytda tibbiyot muassasalarida davolanayotgan 8 880 nafar bemordan 927 nafari ogʻir, 224 nafari esa oʻta ogʻir ahvolda. Koronavirus infektsiyasi qurbonlari soni 159 nafarni tashkil etmoqda.

Mavzu:
COVID-19 umumjahon pandemiyasi (1169)

Asosiy mavzular