01:45 25 Sentyabr 2020
Efir
  • RUB136.28
  • EUR12210.60
  • USD10315.62
Jamiyat
Havola olish
818 0 0

Terroristni qoʻlga olish boʻyicha maxsus operatsiya qanday oʻtganligi va u haqida bugungi kunga nimalar maʼlum - bu haqda materialimizda.

TOSHKENT, 4 avg - Sputnik. 3 avgust kuni kunduzi nomaʼlum shaxs “Universal- bank”ning Kiyevdagi "Leonardo" biznes markazidagi filialini portlatish bilan tahdid qildi. Keyinchalik, bu shaxs Oʻzbekiston fuqarosi Suhrob Karimov ekanligi maʼlum boʻldi.

Bankni qoʻlga olish va SBUning maxsus operatsiyasi: bu qanday oʻtdi

Kun oʻrtasida "Universal-bank" xodimasi politsiyaga qoʻngʻiroq qilib, 35 yoshlar atrofidagi erkak bank boʻlimiga kelganini va uning soʻzlariga koʻra, sumkasida bomba borligini maʼlum qildi. Jinoyatchi huquqni muhofaza qilish idoralari xodimlarini chaqirishni soʻradi. U boʻlim boshligʻini garovga olib, qolgan barcha xodimlarni ozod qildi.

Politsiya va xavfsizlik xizmatlari binoni oʻrab olib, shahar aholisidan aylanma yoʻldan harakatlanishni soʻradi. Avvaliga, odam garovga olinishiga qarshi "Grom" politsiya operatsiyasi rejasi kiritildi. Keyin operatsiya boshqaruvini Ukraina Xavfsizlik xizmati (SBU) oʻz zimmasiga oldi, u "Bumerang" terrorizmga qarshi kurash rejasini joriy etdi.

Binoga hujum uyushtirishga imkon boʻlmadi: Karimov ryukzakka tortilgan ipni oyogʻiga bogʻlab olib, portlovchi moslamani ishga tushurishi bilan tahdid qilgan. Bu haqiqatan rostmi-yolgʻonmi, oʻsha daqiqalarda maʼlum boʻlmagan. Bundan tashqari, erkakning ijtimoiy tarmoqlardagi sahifalarini oʻrganishdan uning "ruhiy nosogʻlomligi" maʼlum boʻldi.

Ugrojayuщiy vzorvat bombu v Kiyeve yavlyayetsya grajdaninom Uzbekistana
Suxrob Karimov v otdelenii banka

Xavfsizlik xodimlari muzokaralarga kirishdi va bosqinchiga taslim boʻlishni taklif qildi. U intervyu berish uchun OAV vakillarini kiritishlarini talab qildi. Boshqa maʼlumotlarga koʻra, u qoʻshimcha 40 ming grivna (1,44 ming dollar) talab qilgan.

Spetsoperatsiya po zaxvatu Suxroba Karimova, ugrojavshego vzorvat bank v Kiyeve
Spetsoperatsiya po zaxvatu Suxroba Karimova, ugrojavshego vzorvat bank v Kiyeve

Maxsus kuchlar uni soat 15.00 larda toʻgʻridan-toʻgʻri efirda u oʻzini televizorda koʻrsatayotganiga ishonch hosil qilganida kishanladilar. Qoʻlga olish jarayonida ikki telekanal jurnalistlari ixtiyoriy ishtirok etdilar.

Spetsoperatsiya po zaxvatu Suxroba Karimova, ugrojavshego vzorvat bank v Kiyeve
Spetsoperatsiya po zaxvatu Suxroba Karimova, ugrojavshego vzorvat bank v Kiyeve

Bino tekshirilganida, tajovuzkorning yolgʻon gapirgani aniqlandi: unda na bomba, na xavfli moslama boʻlmagan.

Unga nisbatan Ukraina Jinoyat kodeksining 258-moddasi "Terroristik akt" 1-qismi boʻyicha jinoiy ishi qoʻzgʻatildi. Hozirda jinoyatning sabablari va terrorchining ehtimoliy sheriklari aniqlanmoqda.

Ukraina poytaxti politsiyasi rahbari Viktoriya Azarovaning soʻzlariga koʻra, Karimov oʻzini "muqaddas ruh" deb atagan.

Spetsoperatsiya po zaxvatu Suxroba Karimova, ugrojavshego vzorvat bank v Kiyeve
Spetsoperatsiya po zaxvatu Suxroba Karimova, ugrojavshego vzorvat bank v Kiyeve

Terrorchi haqida nimalar maʼlum?

Ukraina SBU maʼlumotlariga koʻra, Suhrob Rahmatovich Karimov 32 yoshda, Oʻzbekiston fuqarosi, Samarqandda tugʻilgan.

Ukraina IIV rahbarining oʻrinbosari Anton Geraщenko oʻzining Facebook'dagi sahifasida shuni maʼlum qildi: terrorchining vatanidan olingan maʼlumotlarga koʻra, Karimov 1998 yildan beri "Oligofreniya" tashxisi bilan nevrologik-psixiatrik hisobda turgan. Samarqand psixonevrologik dispanseri Sputnik Oʻzbekiston muxbiriga bunday maʼlumotni oshkor etish taqiqlanganligiga ishora qilib, maʼlumotni tasdiqlamadi, ham rad etmadi.

Kiyevda, bu erkak taxminan besh yildan beri yashab kelmoqda, rezident boʻlgan. Ukrainalik blogerlarning xabar berishicha, u poytaxt restoranlaridan birida ofitsiant boʻlib ishlagan va xostelda yashab kelgan, u yerdan uni giyohvand moddalar - amfetamin va marixuana isteʼmol qilgani uchun chiqarib yuborishgan.

Mahalliy OAVlar erkakning Ukrainaning Zaporojye viloyati, Berdyansk tumani, Novopetrovka qishlogʻida qayd etilganini aniqladilar. Shu yerda Karimov bilan uzoq vaqtdan beri aloqada boʻlmagan, uning sobiq xotini va farzandi yashab kelgan.

30-chi iyul kuni, bank filialiga bostirib kirishdan bir necha kun oldin, erkak ijtimoiy tarmoqdagi oʻz sahifasida "jihod" eʼlon qildi va kofirlarni oʻldirishga chaqirdi.

Toshkent qanday munosabat bildirdi

Oʻzbekiston tomoni hodisa yuzasidan hozircha rasmiy izoh bermadi. Ammo bu borada ishlar olib borilmoqda.

Asosiy mavzular