TOShKENT, 9 avg — Sputnik. O‘zbekistonda endi kontrakt to‘lay olmagan talaba o‘qishdan chetlatilmasligi mumkin. Bu haqda AOKAdagi matbuot anjumanida oliy va o‘rta maxsus ta’lim vaziri Inomjon Majidov ma’lum qildi.
Vazirning so‘zlariga ko‘ra, agar talabaning kontraktni to‘lashga qurbi yetmasa, oliy o‘quv yurti vaziyatni o‘rganib chiqadi. Keyin shu talabaga yordam berib, kontraktni qoplash chorasini ko‘radi.
“Talaba endilikda kontraktni to‘lay olmasa, u chetlatilmaydi, balki kursdan-kursga qoldirilishi masalasi ko‘rib chiqiladi", - dedi u.
Majidov bunda OTM tomonidan vaziyat to‘liq o‘rganilgach, qaror qabul qilishini qo‘shimcha qildi.
Shuningdek, vazir 2020-2021-o‘quv yilida kontrakt to‘lovi miqdori o‘zgarishsiz qolishini ma’lum qildi.
