TOShKENT, 13 avg — Sputnik. O‘zbekistonliklar “yulduzlar yomg‘iri”ni kuzatishlari mumkin.
13 avgust kuni kechasi ajoyib osmon hodisasi – Perseid metero oqimiga guvoh bo‘lishi mumkin. Bu paytda osmonda soatiga 110ta yulduz tushadi. Falakiyot ishqibozlari uchun maxsus joy qidirish kerak emas, yulduzli yomg‘ir deyarli barcha hududlarda bemalol ko‘rish mumkin.
Yulduzlar oqimi hodisasi 23-iyuldan 20-avgustgacha davom etadi. Ayniqsa, O‘zbekistonning tog‘li hududlarda meteorlar oqimining go‘zal manzarasi yorqin ko‘rinadi.
Perseidlar - har yili Yer atmosferasidan o‘tadigan tosh, muz qatlami va chang zarralaridan iborat meteorit oqimidir. Odatda uning faollik cho‘qqisi avgust oyining ikkinchi o‘n kunligiga to‘g‘ri keladi.
