14:37 26 Sentyabr 2020
Efir
  • RUB136.28
  • EUR12210.60
  • USD10315.62
Jamiyat
Havola olish
247 0 0

Qatar hukumati koronavirusga qarshi kurash maqsadida Oʻzbekistonga navbatdagi moliyaviy yordam pulini oʻtkazib berdi.

TOSHKENT, 23 avg - Sputnik. Qatar hukumati Oʻzbekistonga COVID-19ga qarshi kurash uchun moliyaviy yordam berdi, deb xabar qilmoqda "Dunyo" axborot agentligi. 

"Qatar xayriya tashkiloti orqali Oʻzbekistonga 200 ming AQSH dollari miqdorida begʻaraz moliyaviy yordam ajratishga qaror qildi", - deyilgan xabarda.

Maxsus komissiyasining qaroriga binoan, ushbu mablagʻlar Respublika shoshilinch tibbiy yordam ilmiy markazi Qoraqalpogʻistondagi filiali hisob raqamiga oʻtkazildi. Mablagʻlar koronavirusga qarshi favqulodda choralarni qoʻllab-quvvatlash doirasida zarur himoya vositalari va tibbiy jihozlarni sotib olishda foydalanishni rejalashtirgan.

Eslatib oʻtamiz, shu yilning may oyida Qatarning "Jasim va Hamad bin Jasim xayriya jamgʻarmasi" COVID-19 ga qarshi kurash choralarini qoʻllab-quvvatlash maqsadida 200 ming AQSH dollari miqdorida begʻaraz moliyaviy yordamni "Mehr-shafqat va salomatlik" jamgʻarmasi hisob raqamiga oʻtkazib bergan edi.

Qatar Oʻzbekistondagi elchisi Muhammad al-Xajrning qayd etishicha, ushbu mablagʻlar "doʻst Oʻzbekistonga mamlakat rahbariyatining aholini pandemiya xavfidan himoya qilish borasidagi saʼy-harakatlarini qoʻllab-quvvatlash doirasida taqdim etiladi. "Bu Qatar va Oʻzbekiston ushbu mushkul davrda bir-birini qoʻllab-quvvatlashga intilishlarining yana bir tasdigʻidir", degan edi elchi.

Asosiy mavzular