19:14 22 Sentyabr 2020
Efir
  • RUB136.28
  • EUR12210.60
  • USD10315.62
Jamiyat
Havola olish
696 0 0

Oʻzbekiston hududi boʻyicha xorijiy janubdan issiq havo oqimi harakatlanishi natijasida ob-havo oʻzgarib turadi.

TOSHKENT, 24 avg — Sputnik. Bugun Oʻzbekiston hududi boʻyicha xorijiy janubdan issiq havo oqimi harakatlanishi natijasida ob-havo oʻzgarib turadi, yogʻingarchilik boʻlmaydi, harorat iqlimiy meʼyorlardan 3-5 darajaga yuqori boʻlib, 34-39 darajani tashkil qiladi. Bu haqda Oʻzgidromet xabar qildi.

25 avgustda respublikada ob-havo sharoitlarining oʻzgarishi kutilmoqda: ertalab respublikaning shimoli-gʻarbiy tumanlariga, kechga borib markaziy tumanlariga Volgaboʻyi hududidan salqin va nam havo oqimi kiradi. Qoraqalpogʻistonda, Xorazm, Buxoro, Navoiy viloyatlarida kun davomida, Toshkent, Samarqand, Jizzax, Sirdaryo, Qashqadaryo viloyatlarida esa kechga borib qisqa muddatli yomgʻir yogʻadi, momaqaldiroq boʻlishi mumkin. Harorat kechasi 20-25 daraja atrofida boʻladi, kunduzi pasayib 28-33 darajani tashkil qiladi, bu meʼyoriy koʻrsatkichlardan biroz pastdir.

26 avgust kuni respublika hududiga kirgan salqin atmosfera fronti janubi-sharq tomonga siljiydi, mamlakat hududining katta qismida momaqaldiroqli yomgʻir yogʻishi mumkin, Qoraqalpogʻistonda, Xorazm, Buxoro, Navoiy viloyatlarida esa yogʻingarchilik toʻxtaydi. Antitsiklon taʼsirida 26 avgust eng salqin kun boʻlishi kutilmoqda, harorat kechasi 15-18 daraja, kunduzi 23-26 darajani tashkil qiladi. Bunday harorat meʼyordan 6-9 darajaga pastdir.

Haftaning seshanba va chorshanba kunlari respublika boʻyicha shamolning tezligi sekundiga 15-20 metrgacha kuchayishi mumkin.

Payshanba va juma kunlari mamlakatda ob-havo yogʻingarchiliksiz boʻladi. Antitsiklon taʼsirida tungi salqin harorat saqlanib turadi va 15-20 daraja atrofida boʻladi, kunduzi esa havo asta sekin isishni boshlaydi va 28 avgustda 30-35 darajagacha koʻtarilib, oyning shu davri uchun xos boʻlgan mʼyoriy qiymatlarga yaqinlashadi.

Asosiy mavzular