19:25 22 Sentyabr 2020
Efir
  • RUB136.28
  • EUR12210.60
  • USD10315.62
Jamiyat
Havola olish
COVID-19 umumjahon pandemiyasi (1158)
470 0 0

Sutka davomida 300 kishida koronavirus aniqlandi, Oʻzbekistonda koronavirus infektsiyasi qayd etilganlar soni 39 964 nafarni tashkil qilmoqda.

TOSHKENT, 26 avg — Sputnik. Sputnik Oʻzbekiston respublikadagi epidemiologik vaziyat toʻgʻrisida asosiy xabarlarni toʻpladi.

Bir sutka davomida 300 kishida koronavirus aniqlandi, Oʻzbekistonda koronavirus infektsiyasi qayd etilganlar soni 39 964 nafarni tashkil qilmoqda.

Yangi kasallanish holatlarining 164 nafari Toshkent shahrida, 6 nafari Toshkent viloyatida hamda 4 nafari Andijon viloyatida tana harorati koʻtarilganligi bois profilaktika maqsadida hamda koronavirusga chalingan bemorlar bilan muloqotda boʻlganligi sababli namuna olingan fuqarolar orasida aniqlangan.

Sogʻayish koʻrsatkichi

Bugunning oʻzida 419 nafar bemor tuzalib, oʻz uylariga kuzatildi. Respublika boʻylab jami sogʻayganlar soni 36 402 nafarga yetdi. Sogʻayish koʻrsatkichi 91 foizga yetdi.

Ayni paytda 3 271 nafar bemorga belgilangan standartlar boʻyicha davo choralari koʻrilmoqda.

Oʻlim holatlari

Kun davomida koronavirusga chalingan 4 nafar bemor – Olmazor tumanida yashagan 81 yoshli M.I. (erkak), Mirzo Ulugʻbek tumanida yashagan 73 yoshli D.I. (ayol), Samarqand shahrida yashagan 38 yoshli X.Q. (erkak) hamda Samarqand viloyati yuqumli kasalliklar shifoxonasida davolangan 58 yoshli Eron Islom Respublikasi fuqarosi B.S. (erkak) vafot etdi.

Oʻzbekistonda jami 291 kishi pandemiya qurboni boʻldi.

Charter qimmatligi

Ayni damda chater parvozlari narxlari quyidagicha: Moskva - Toshkent - 397 $, Istanbul-Toshkent - 353-400 $, Dubay-Tashkent - 366 $. Transport vazirligi charter reyslarning qimmatligiga izoh berdi. 

Vazirlik xabariga koʻra, birinchi navbatda, repatriatsiya charter parvozlarini tashkil qilishdagi obʼyektiv sabablarga bogʻliq. 

Aksariyat davlatlar hollarda yoʻlovchilarni qabul qilishga tayyor emas, shu sababli samolyotlar faqat bir tomonga yoʻlovchilar bilan uchadi.

Shuningdek, samolyotlar ijara puli, parvozlar masofasi va nechta davlatlar havo kengligi hududidan uchib oʻtishi, aeronavigatsion xizmatlar, aeroport yer usti xizmatlari va yigʻimlari.

Undan tashqari yoʻlovchilarni aeroport hududidan mehmonxonaga yetkazib qoʻyish, karantin qoidalariga rioya etilish nazorati, tibbiy va sanitariya xizmat xarajatlari, PZR testlari va boshqa xarajatlar.

Rossiya va Xitoy shifokorlari yordami

Rossiyaning nufuzli tibbiyot muassasalarida faoliyat olib borayotgan 40 nafarga yaqin mutaxassisdan iborat tibbiy guruh Oʻzbekistonda boʻlib turibdi.

Reanimatolog, pulmonolog, infektsionist, virusolog, kardiolog, endokrinolog kabi mutaxassislardan iborat delegatsiya guruhlarga boʻlinib, turli hududlarda: Toshkent shahri, Jizzax, Buxoro, Surxondaryo, Samarqand, Xorazm, Toshkent viloyatlarida koronavirusga chalingan bemorlarni davolashda Oʻzbekiston shifokorlar bilan hamkorlikda faol ish olib borishmoqda.

Samarqand shahridagi koronavirusga chalingan va gumon qilingan 98 nafar bemorni tibbiy koʻrikdan oʻtkazishdi hamda ularning kasallik varaqalarini oʻrgangan holda davolash jarayoniga tegishli qoʻshimchalar kiritishdi.

Shuningdek, Xitoyning “Beizhong Yilin Pharm Tech (Beijing) Co. Ltd.” kompaniyasi hamda Tszyansi anʼanaviy xitoy tabobati universitetining 10 nafar shifokor va mutaxassislaridan iborat guruh Oʻzbekistonga kelgan.

Sotrudnik laboratorii podpisыvayet test na COVID-19
© Sputnik / Konstantin Mixalchevskiy

Xitoylik shifokorlar guruhi Toshkent shahrida tashkil etilgan Saralash va taqsimlash markazlarida bemorlarni davolash ishlarida ishtirok etmoqda.

Tibbiyot xodimlarining kasbiy malakasini rivojlantirish markazidagi Maxsus shtabda xitoylik mutaxassislar bilan birgalikda barcha hududlardagi holati ogʻir bemorlarni davolash yuzasidan telemeditsina orqali konsilium oʻtkazildi.

Dunyo salomatligi

Dunyo boʻylab infektsiyani yuqtirib olgan kishilarning soni 24,1 milliondan oshdi, 820 ming kishi vafot etdi, 15,6 million kishi tuzaldi. Eng koʻp holatlar AQShda (5,8 mln), Braziliyada (3,7 mln), Hindistonda (3,2 mln).

Mavzu:
COVID-19 umumjahon pandemiyasi (1158)

Asosiy mavzular