22:11 20 Sentyabr 2020
Efir
  • RUB137.65
  • EUR12194.82
  • USD10295.33
Jamiyat
Havola olish
271 0 0

Aksariyat zamonaviy smartfonlarda organik svetodiodlar - OLED texnologiyasi qoʻllanilgan ekranlar ishlatiladi.

TOSHKENT, 27 avg - Sputnik. Aksariyat zamonaviy smartfonlarda organik svetodiodlar - OLED texnologiyasi qoʻllanilgan ekranlar ishlatiladi. Koʻp tadqiqotlar natijalariga koʻra, OLED ekranlarining yorqinligini sozlashning oʻziga xos xususiyatlari tufayli odamlarning taxminan oʻn foizida ulardan foydalanish paytida bosh ogʻrigʻi boshlanadi, charchoq va koʻzlar quruqlashishi paydo boʻladi, dedi “Praym” agentligiga NAFI “Raqamli fuqaro”(“Tsifrovoy grajdanin”-tahr.) platformasi eksperti Vladimir Gritsenko.

"Aslida OLED ekranlarining yorqinligi doim yuz foizga teng boʻladi, foydalanuvchi uni tushirganda esa (bu koʻpincha impuls-kenglik modulyatsiyasi yordamida amalga oshiriladi), ekran yorugʻlikning maʼlum darajasiga mos maʼlum chastotada miltillay boshlaydi. Yorqinligi qancha past boʻlsa, ekranning pulsatsiyasi shuncha koʻproq namoyon boʻladi va koʻzlar shuncha koʻp charchashi mumkin. Ekranning miltillashi odamning koʻziga koʻrinmaydi, ammo uni boshqa smartfon kamerasini telefon ekraniga qaratganda koʻrish mumkin", - deya izoh beradi mutaxassis.

Agar koʻzlaringiz OLED ekranidan charchayotganini sezsangiz, uni maksimal darajaga yaqin yorqinlikda ishlatishga urinib koʻrishingiz mumkin - miltillash kamroq boʻladi, lekin xona sharoitida yorugʻligi haddan tashqari koʻp boʻlishi mumkin.

Asosiy mavzular