02:31 06 Dekabr 2020
Efir
  • RUB137.48
  • EUR12473.23
  • USD10427.38
Jamiyat
Havola olish
312 0 0

Koʻksaroy qarorgohida Oʻzbekiston Mustaqilligining yigirma toʻqqiz yilligiga bagʻishlangan bayram tadbiri boʻlib oʻtdi.

TOSHKENT, 31 avg — Sputnik. Koʻksaroy qarorgohida 31 avgust kuni Oʻzbekiston Respublikasi Mustaqilligining yigirma toʻqqiz yilligiga bagʻishlangan bayram tadbiri boʻlib oʻtdi. Bu haqda davlat rahbari matbuot xizmati xabar qilmoqda.

Prezident Shavkat Mirziyoyev mamlakat xalqini milliy ayyom bilan tabrikladi.

Prezident Shavkat Mirziyoyev pozdravil narod s natsionalnыm prazdnikom.
© Press-slujba prezidenta Uzbekistana
Prezident Shavkat Mirziyoyev pozdravil narod s natsionalnыm prazdnikom.

Davlat rahbari mustaqillik gʻoyasi, istiqlol ruhi doimo togʻdek tayanch boʻlayotgani taʼkidladi.

"Bugun cheksiz iftixor bilan ayta olamizki, donishmand xalqimizning uzoqni koʻra olishi, birdamligi va fidoyi mehnati bilan barcha sinovlardan munosib oʻtib kelmoqdamiz. Shu nuqtai nazardan, bizning insoniy qadr-qimmatimizni, gʻurur va shaʼnimizni, dinu diyonatimizni, milliy davlatchiligimizni tiklab bergan Mustaqillik kuni Vatanimizning shonli tarixida hamisha eng yorqin sahifa boʻlib qoladi", – dedi prezident.

Keyingi yillarda taraqqiyotning yangi bosqichiga qadam qoʻyilayotgani, yangi bir uygʻonish – Uchinchi Renessans davriga poydevor yaratilayotgani qayd etildi.

Prezident Shavkat Mirziyoyev pozdravil narod s natsionalnыm prazdnikom.
© Press-slujba prezidenta Uzbekistana
Prezident Shavkat Mirziyoyev pozdravil narod s natsionalnыm prazdnikom.

“Keng jamoatchilik, el-yurtimiz barcha ijobiy oʻzgarishlarning tashabbuskori va bunyodkoriga aylanmoqda”, – dedi u.

Prezident jahonda yuzaga kelgan koronavirus pandemiyasi va iqtisodiy inqiroz, Buxoro va Sirdaryo viloyatlarida roʻy bergan tabiiy va texnogen ofatlar joriy yilda jiddiy sinov boʻlganini qayd etdi.

“Hech kim hech qachon unutmasligi kerak: qanchalik qiyin boʻlmasin, qancha mablagʻ va imkoniyat talab etilmasin,  Oʻzbekistonning bironta fuqarosi oʻz holiga tashlab qoʻyilmaydi”, – deya taʼkidladi Mirziyoyev.

Taʼkidlanishicha, bu yil respublikada birgina sanoat sohasida umumiy qiymati 11 milliard dollar boʻlgan loyihalar ishga tushiriladi.

Shavkat Mirziyoyev qoʻshma dastur va loyihalarni qoʻllab-quvvatlash hamda pandemiya oqibatlarini yumshatish borasida koʻrsatgan yordamlari uchun qator xalqaro jamgʻarma, bank va tashkilotlarga minnatdorlik bildirdi.

“Men turli sinov va kurashlarda toblangan, iymon-irodasi mustahkam xalqimizning aql-zakovati va azmu shijoatiga ishonaman. Mana shunday buyuk insoniy fazilatlar sohibi boʻlgan, ayniqsa, bugungi sinovli kunlarda oʻzining matonati va hamjihatligi bilan chinakam jasorat koʻrsatayotgan qahramon xalqimizga farzandlik mehri va sadoqati bilan bosh egib taʼzim qilaman”, – dedi davlat rahbari.

Asosiy mavzular