03:02 25 Sentyabr 2020
Efir
  • RUB136.28
  • EUR12210.60
  • USD10315.62
Jamiyat
Havola olish
285 0 0

ArMI-2020 doirasida Oʻzbekiston jamoasi “Yoʻl patruli” musobaqasida rekord natija bilan mutlaq gʻoliblikni qoʻlga kiritdi.

TOSHKENT, 2 sen — Sputnik. Qoʻqon mezbonlik qilgan ArMI – 2020 Xalqaro armiya oʻyinlarining “Yoʻl patruli” Oʻzbekiston jamoasi birinchi oʻrinni qoʻlga kiritdi va bu natija Oʻzbekiston jamoasi oʻzining musobaqa tarixidagi eng yuqori natijasini qayd etdi.

Bir necha kun davom etgan murosasiz bellashuvlarda Mudofaa vazirligi harbiy avtomobil nazorati xodimlari Rossiya hamda beloruslik raqiblaridan har tomonlama ustun ekanliklarini namoyish etishdi.

Kapitan Mansurjon Akobirov, serjantlar Siddiq Aʼzamov, Farhod Musayev Makarov pistoleti va avtomatdan oʻq otish, ekstremal boshqarish va yoʻl harakati hodisasi paytida sodir boʻlishi mumkin oʻt oʻchirish hamda jabrlanganlarga birinchi yordam koʻrsatish shartlarini bajarish jarayonida oʻz mahoratlarini namoyish etishdi.

Sbornaya Uzbekistana stala chempionom konkursa “Dorojnыy patrul”
© Ministerstvo oboronы Uzbekistana.
Sbornaya Uzbekistana stala chempionom konkursa “Dorojnыy patrul”

Dasturga koʻra jamoalar vakillari soʻnggi ikki shart – avtomobil shinalarini almashtirish va yoʻl harakatini boshqarish (konkursdan tashqari) borasida bahs olib bordi. Kichik serjant Muzaffar Tulyabayev va  katta leytenant Jamoliddin Egamberdiyev juftligi 1 daqiqa 14 soniyada avtomobil shinasini almashtirib, oʻzlariga topshirilgan vazifani aʼlo darajada bajarishdi. Serjant Joʻrabek Qodirov, Aleksey Serebrov (Rossiya) va Aleksandr Sheglov (Belarus) yoʻl harakatini boshqarish shartida eng yaxshi inspektorlar sifatida oʻzlarini koʻrsatishdi.

Qayd etilgan natijalarga yakuniga koʻra Oʻzbekiston terma jamoasi birinchi, Rossiya ikkinchi, Belarus uchinchi oʻrindan joy oldi.

Eslatib oʻtamiz, avvalroq Oʻzbekiston “Harbiy-tibbiy estafeta”da gʻoliblikni qoʻlga kiritgani xabar qilingan edi.

Asosiy mavzular