05:44 01 Oktyabr 2020
Efir
  • RUB132.07
  • EUR12003.57
  • USD10321.21
Jamiyat
Havola olish
263 0 0

Aholini uyali aloqa bilan qamrab olish darajasi 97%ga yetdi, ulardan 78% keng polosali mobil internetdan foydalanadi.

TOSHKENT, 2 sen – Sputnik. Oʻtgan yil davomida Oʻzbekistonda mavjud boʻlgan quvvatlarni modernizatsiya qilish natijasida viloyatlarida magistral telekommunikatsiyalar oʻtkazish qobiliyati 2 baravar, tumanlarda – 4 baravarga oshirildi.

Bu haqida Axborot texnologiyalari va telekommunikatsiyalarni rivojlantirish vaziri Shuhrat Sodiqov “Pravda Vostoka” nashriga bergan intervyusida xabar qildi.

Soʻnggi 2 yil ichida telekommunikatsiya sohasida yuqori natijalarga erishildi. Faqatgina oʻtgan yilda Respublika boʻyicha 490 mingta keng polosali ulanish portlari oʻrnatildi. Shunday qilib keng polosali internetga ulangan abonentlar miqdori 2,5 millionga yetdi. Undan tashqari 9 ming kilometr optik tolali aloqa liniyalari oʻtkazildi.

Ushbu yil davomida mobil operatorlarning 1 375 ta baza stantsiyalari oʻrnatildi. Aholini uyali aloqa bilan qamrab olish darajasi 97%ga yetdi, ulardan 78% keng polosali mobil internetdan foydalanadi.

Yil oxiriga qadar yana 800 mingta keng polosali internet-portlari hamda 12 ming km optik tolali aloqa liniyalari oʻtkazish belgilangan.

Ayniqsa uzoq qishloqlarni aloqa bilan taʼminlashga alohida eʼtibor berilmoqda. Aholini keng polosali internet bilan taʼminlash 85%ga yetkaziladi. Shunday yoʻl bilan qishloq va shahar orasida raqamli tengsizlikka barham berish boʻyicha navbatdagi qadam qoʻyiladi, - dedi vazir. 

Birinchi navbatda, albatta, ijtimoiy soha obʼyektlari  yuqori tezlikda ishlaydigan internetga ulanadi. Bular kasalxona va maktablar. Ayni damda ijtimoiy muhim obʼyektlarning 60 % optik tolali kabel orqali yuqori tezlikda ishlaydigan internetga ulangan. Ular orasida 5760ta maktab, 3782ta bogʻcha va 2233ta sogʻliqni saqlash tizimi obʼyektlari.

2020 yil oxiriga qadar umumtaʼlim maktablarining 80%, hamda bogʻcha va tibbiyot muassasalarining 100% yuqori tezlikda ishlaydigan internet bilan taʼminlanadi. Shuningdek eng uzoq qishloqlarda ham zamonaviy telekommunikatsion xizmatlar yoʻlga qoʻyiladi.

Vazir soʻzlariga koʻra, telekommunikatsion bozorni rivojlantirish uchun muhim faktorlardan biri – dastur-apparatli taʼminot hamda serverlar quvvatlari yetishmovchiligidir. Maʼlumotlar miqdori yil sayin geometrik progressiyada oʻsib borayotgani tufayli uni qayta ishlash uchun bir necha barobar ilgʻor texnika va tobora katta saqlash hajmlari kerak boʻladi. Shundan kelib chiqan holda data-tsentrlar hajmini 10 baravarga oshirishga qaror qilingan.

Sodiqov aytishiga koʻra, Speedtest.net – xalqaro internet tezligini oʻlchash xizmati maʼlumotiga koʻra, soʻnggi yil davomida Oʻzbekiston statsionar internet tezligi boʻyicha 18 punkt, mobil internet tezligi boʻyicha 7 punkt yuqoriga koʻtarilgan.

Shu bilan birga ineternet xizmatlari narxi ham aholi uchun tobora arzonlashib bormoqda. Masalan 2019 yilda provayder va operatorlar uchun tariflar 85 ming soʻmdan 70 ming soʻmgacha arzonlashtirilgan. 2020 yil boshidan buyon esa – yana 20%ga arzonlashib, ayni damda 1 Mbit/s kanal ijara narxi 56 ming soʻmni tashkil qilmoqda.

Asosiy mavzular