02:56 29 Sentyabr 2020
Efir
  • RUB132.07
  • EUR12003.57
  • USD10321.21
Jamiyat
Havola olish
63002

Qoʻshiqchi Nargizning fikriga koʻra, taniqli aktyor Mixail Yefremov qamoqda oʻtirishi kerak, chunki u odam oʻldirgan.

TOSHKENT, 6 sen — Sputnik. Taniqli xonanda Nargiz rossiyalik aktyor Mixail Yefremovning suddagi xulq-atvori yuzasidan oʻz munosabatini bildirdi.

Uning soʻzlariga koʻra, sud majlislari boshlanmasdan oldin aktyorga achingan. Lekin Yefremovning sud majlislarida oʻzini tutishi va jabrlanuvchilarning qarindoshlariga nisbatan qoʻpollik qilganliklaridan keyin achinish fikridan qaytgan.

Nargizning fikriga koʻra, Yefremov qamoqda oʻtirishi kerak, chunki u odam oʻldirgan.

“Uning kasalligi esa – bu jamiyatning muammolari emas, bu birinchi navbatda uning muammolari. Uning yonidagi, atrofidagi kishilarning muammolari ham”, - dedi qoʻshiqchi NTV telekanaliga bergan intervyusida.

Rossiyalik taniqli aktyor Mixail Yefremov 8 iyun kuni Moskvada YTH sodir etdi. U oʻz mashinasida qarama-qarshi yoʻlga chiqib ketib, Lada kichik yuk mashinasiga borib urildi. YTH oqibatida Lada haydovchisi 57 yoshli erkak kasalxonada vafot etdi. Ekspertiza Yefremov spirtli ichimlik taʼsiri ostida mashinani boshqarganini aniqlagan. Shuningdek, uning qonida giyohvand moddalari topilgan. Hozirda aktyor ustidan sud jarayonlari yakunlanish arafasida. 8 sentyabr kuni sud unga oʻz hukmini oʻqib eshittiradi.

Asosiy mavzular