23:20 24 Sentyabr 2020
Efir
  • RUB136.28
  • EUR12210.60
  • USD10315.62
Jamiyat
Havola olish
597 0 0

Koronavirus bilan kasallanish va oʻlim holatlari, asosan, yurak qon-tomir kasalliklari, qandli diabet, oʻpkaning surunkali kasalliklari boʻlgan va ortiqcha vazn, tamaki, alkogol mahsulotlarini isteʼmol qilgan insonlarda koʻproq uchragan.

TOSHKENT, 6 sen — Sputnik. Oʻzbekiston Sogʻliqni saqlash vazirligi mamlakat koronavirus bilan kasallanganlarning yoshi va jinsiga oid maʼlumotlarni oshkor qildi.

Joriy yil 6 sentyabr holatiga koʻra, koronavirus 43 476 kishida (shundan 17 751 nafari ayollar, 25 725 nafari erkaklar) aniqlangan.

Koronavirus aniqlanganlarning yosh koʻrsatkichlari quyidagicha:

  • 12 173 nafari (28 foiz) 30-39 yosh;
  • 10 304 nafari (23,7 foiz) 20-29 yosh;
  • 7 521 nafari (17,3 foiz) 40-49 yosh;
  • 5 347 nafari(12,3 foiz) 50-59 yosh;
  • 2 652 nafari (6,1 foiz) 10-19 yosh;
  • 2 565 nafari (5,9 foiz) 60-69 yosh;
  • 1 956 nafari (4,5 foiz) 0-9 yosh;
  • 739 nafari (1,7 foiz) 70-79 yosh;
  • 219 nafari (0,5 foiz) 80 va undan katta yosh oraligʻiga toʻgʻri keladi.

“Shu oʻrinda qayd etish lozimki, 6 sentyabr holatiga hozirda “COVID-19” infektsiyasi bilan kasallangan bemorlar uchun tayyorlangan shifo oʻrinlarida 2 251 nafar bemor davolanmoqda, – deydi Sogʻliqni saqlash vazirligi bosh boshqarma boshligʻi Farrux Sharipov.  –  Ularning 198 nafari  oʻta ogʻir, 366 nafari ogʻir holatda. Oʻta ogʻir va ogʻir holatdagi 564 nafar bemorlardan 110 nafari sunʼiy nafas olish apparatida, 222 nafari noinvaziv sunʼiy nafas apparatida SIPAP rejimida hamda 175 nafari maxsus moslama yordamida burun orqali kislorod olmoqda”.

Oʻta ogʻir va ogʻir ahvoldagi 564 nafar bemorning 353 nafari Zangiota kompleksiga, 56 nafari Toshkent shahriga, 38 nafari Samarqand viloyatiga, 31 nafari Sirdaryo viloyatlariga, 21 nafari Qashqadaryo, 17 nafari Surxondaryo, 6 nafardan Buxoro, va Jizzax, 3 nafardan Namangan va Xorazm va 1 nafari Qoraqalpogʻiston Respublikasiga toʻgʻri keladi.

Taʼkidlanishicha, mamlakatda koronavirus boʻyicha soʻnggi tahlillar shuni koʻrsatmoqdaki, kasallanish va oʻlim holatlari, asosan, yurak qon-tomir kasalliklari, qandli diabet, oʻpkaning surunkali kasalliklari boʻlgan va ortiqcha vazn, tamaki, alkogol mahsulotlarini isteʼmol qilgan, shuningdek, kamharakat insonlarda koʻproq uchragan.

Ogʻir holatdagi barcha bemorlarga SSV bosh mutaxassislari, Respublika shoshilinch tibbiy yordam ilmiy markazi  mutaxassislari tomonidan videokonsultatsiyalar koʻrinishida amaliy yordam koʻrsatilmoqda.

Bundan tashqari, Rossiya, Turkiya davlatlaridan tashrif buyurgan mutaxassislar hududlarda ogʻir bemorlarni mahalliy mutaxassislar bilan koʻrib, tavsiyalar berishmoqda.

Asosiy mavzular