03:38 29 Sentyabr 2020
Efir
  • RUB132.07
  • EUR12003.57
  • USD10321.21
Jamiyat
Havola olish
COVID-19 umumjahon pandemiyasi (1169)
549 0 0

Oʻzbekiston aniqlangan koronavirus boʻyicha Qirgʻizistonni ortda qoldirib, Markaziy Osiyoda ikkinchi oʻringa chiqdi.

TOSHKENT, 9 sen — Sputnik. Oʻzbekistonda 2020 yil 9 sentyabr soat 17:00 holatiga koʻra koronavirus bilan kasallangan soni 44 781 (+224) nafarga yetdi. Bu haqda Sogʻliqni saqlash vazirligi xabar qilmoqda.

Yangi kasallanganlarning 204 nafari Toshkent shahrida, 20 nafari Toshkent viloyatida fuqarolar orasida aniqlangan.

Shu bilan birga, Yunusobod tumanida yashagan 56 yoshli E.A. (erkak) hamda Shayxontohur tumanida yashagan 59 yoshli Z.A. (erkak), jami 2 nafar koronavirusga chalingan bemor vafot etdi. Qurbonlar soni 364 nafarni tashkil etmoqda.

Shu paytga qadar  mamlakatda 42 162 nafar koronavirusga chalingan fuqarolar (94 foiz) sogʻaygan.

Shu tariqa, Oʻzbekiston Markaziy Osiyoda koronavirus bilan kasallanish boʻyicha ikkinchi oʻringa chiqdi. Qozogʻistonda jami 106 498 kishi koronavirus yuqtirib olgan. Ulardan 100 042 nafari tuzalib ketgan. Qurbonlari soni 1640 nafarni tashkil etmoqda.

Qirgʻizistonda koronavirus 44 613 kishida aniqlangan. Ularning 40 336 nafari tuzalishga muvaffaq boʻlgan. 1063 kishi esa virus qurboniga aylangan.

Tojikistonda 8860 kishiga COVID-19 tashxisi qoʻyilgan. Kasallanganlarning 7650 nafari virusni yenggan. 70 kishini koronavirus hayotdan bevaqt olib ketgan.

Turkmanistonda rasman koronavirus qayd etilmagan.

Mavzu:
COVID-19 umumjahon pandemiyasi (1169)

Asosiy mavzular