15:39 27 Sentyabr 2020
Efir
  • RUB136.28
  • EUR12210.60
  • USD10315.62
Jamiyat
Havola olish
404 0 0

Oʻzbekistonda endilikda sugʻurta polisi yonida boʻlmagan haydovchining avtotransportini ushlab turish tartibi bekor qilinadi.

TOSHKENT, 13 sen — Sputnik. Oʻzbekistonda sugʻurta polisi yonida boʻlmagan haydovchilarning transport vositalarini ushlab turish tartibi bekor qilinadi. Bu Senat maʼqullagan Oʻzbekistonning ayrim qonun hujjatlariga oʻzgartish va qoʻshimchalar kiritish toʻgʻrisidagi qonunda koʻzda tutilgan.

Jumladan, Maʼmuriy javobgarlik toʻgʻrisidagi kodeksining 291-moddasiga, transport vositalarini ushlab turish va koʻrikdan oʻtkazish asoslari va tartibiga oʻzgartish kiritilmoqda.

“Endilikda transport vositalari egalarining fuqarolik javobgarligini majburiy sugʻurta qilish boʻyicha sugʻurta polisi yonida boʻlmagan haydovchilar transport vositalarini boshqarganda ularning avtotransport vositalarini ushlab turish tartibi bekor qilinadi. Bu bilan fuqarolar mulk huquqlarining kafolatlari kuchaytiriladi. Bu esa fuqarolarga nisbatan jazo bazasini qisqartirgan holda korruptsiya holatlarining oldini olishga xizmat qiladi”, - deyilgan Senat xabarida.

Maʼqullangan qonun prezident tomonidan imzolanib, belgilangan tartibda eʼlon qilingandan soʻng kuchga kiradi.

Asosiy mavzular